ފުވައްމުލަކުގައި 400 ހައުސިން ޔުނިޓް އެޅުމަށް ރާވާފައިވާ މަޝްރޫއުގެ އަމަލީ މަސައްކަތް މިއަދު ފަށައިފި އެވެ.
ވީ ކިހިނެއް؟ -  ފްލެކްސިންކް ޕްރައިވެޓް ލިމިޓެޑް ކިޔާ ކުންފުންޏަކާ 7 އޮގަސްޓް 2023ގައި 469 މިލިއަން ރުފިޔާއަށް މި މަޝްރޫއު ހަވާލުުކޮށްފައި އޮތީ 540 ދުވަހުން ނިންމާ ގޮތަށެވެ. މިއީ ތިން ކޮޓަރީގެ ހައުސިން ޔުނިޓުތަކެކެވެ.
ތަފްސީލް - މި މަސައްކަތް ފެށީ ރައީސް މުހައްމަދު މުއިއްޒު މިހާރު ފުވައްމުލަކަށް ކުރައްވަމުން ގެންދަވާ ދަތުރުފުޅުގައި އެކަމަށްޓަކައި ބޭއްވި ރަސްމިއްޔާތެއްގަ އެވެ. 
ރައީސް ޝަރަފުވެރިކޮށްދެއްވި އެ ރަސްމިއްޔާތުގައި އަމަލީ މަސައްކަތް ފައްޓަވައިދެއްވީ، ހައުސިން މިނިސްޓަރު ޑރ. އަބްދުﷲ މުއްތަލިބެވެ.