ޔޫރަޕްގެ 3 ޤައުމަކަށް ދަތުރުތައް ފެށުމަށް މޯލްޑިވިއަނުން އެޖެންޓުން ހޯދަން އިއުލާނުކޮށްފިއެވެ.
އިނގިރޭސިވިލާތާއި، އިޓަލީވިލާތާއި އަދި ޖަރުމަނުވިލާތަށް މޯލްޑިވިއަނުން ޖެނެރަލް ޕެސެންޖަރ ސޭލްސް އެޖެންޓުން ހޯދަން އިއުލާންކޮށްފައިވާއިރު، މި ތިން ގައުމުގެ ވެސް  އެޖެންޓުންނަށްވުމުގެ ފުރުސަތު އަންނަ މަހުގެ 5 ވަނަ ދުވަހާ ހަމައަށް އެ އެއާލައިނުން ވަނީ ހުޅުވާލާފައެވެ.
މޯލްޑިވިއަން ހިނގާ އައިލެންޑް އޭވިއޭޝަނުން ބުނި ގޮތުގައި މި ގައުމުތަކަށް އެޖެންޓުން ހޯދަމުންދަނީ އެގައުމުތަކަށް މޯލްޑިވިއަންގެ ދަތުރުފެށުމަށެވެ.
Advertisement
އައިލެންޑް އޭވިއޭޝަނުން މިފަދައިން އިއުލާނުކުރިއިރު، 268 މީހުންގެ ޖާގައިގެ ވައިޑް-ބޮޑީ މަތިންދާބޯޓެއް ރާއްޖެއަށް ގެނެސް އަންނަ އަހަރުގެ ކުރީކޮޅު ޚިދުމަތްދޭން ފެށޭނެކަމަށް އުންމީދުކުރާކަމަށް މޯލްޑިވިއަނުން ވަނީ ބުނެފައެވެ. މޯލްޑިވިއަނުން މިހާރު އުދުހުންތައް ބާއްވަނީ އިންޑިއާގެ އިތުރުން ބަންގާޅަށެވެ. މޯލްޑިވިއަނުން ވަނީ މީގެ ކުރިން ޗައިނާގެ ސިޓީތަކަށްވެސް އުދުހުންތައް ބާއްވާފައެވެ.