ޑިމޮކްރެޓްސްގައި 3000 މީހުން ހަމަ ނުވެއެވެ. ޑިމޮކްރެޓްސް އުވާ ނުލައި ހިފަހައްޓައިގެން އުޅެނީ އަންނި، މުއިއްޒުއާއި އެކު ހަދާފައިވާ ޑީލެއްގެ ތެރެއިން ޤާނޫނާއި ޚިލާފަށް، އެމްޑީޕީ ބަލިކަށި ކުރަން ކަމަށް ރައީސް އޮފީހުން އެ މައުލޫމާތު ހިއްސާ ކުރި ފަރާތުން ދިޔަވަރު ނޫހަށް މައުލޫމާތު ދެއެވެ.
ޑިސެމްބަރު 2024 ގެ ނިޔަލަށް ޑިމޮކްރެޓްސްގައި ތިބީ، 3،667 މެމްބަރުންނެވެ. މިއީ މިއަދު އިލެކްޝަން ކޮމިޝަނުން ހާމަ ކުރި މައުލޫމާތުން ފެންނަން އޮތް އަދެދެވެ. ރައީސް އޮފީހުން ދިޔަވަރު ނޫހަށް މައުލޫމާތު ދިން ފަރާތުން ހާމަ ކުރާ ގޮތުގައި ޖެނުއަރީ 20ގެ ނިޔަލަށް ޑިމޮކްރެޓްސްގައި ތިބީ 2950 މީހުންނެވެ. ޕާޓީއެއް އުފެއްދުމަށް ޕާޓީގައި ސައްހަ 3000 މީހުން މަދުވެގެން ތިބެން ޖެހެއެވެ. އެހެންކަމުން ޑިމޮކްރެޓްސް އަކީ މިހާރު އުވާލަން ޖެހޭ ޕާޓީއެކެވެ.
ޑިމޮކްރެޓްސް އަކީވެސް ވަގު ފޯމުތައް އެތެރެ ކޮށްގެން އުފައްދާފައިވާ ޕާޓީއެކެވެ. އެކަން ކޮށްފައިވަނީ އީސީގެ ކުރީގެ ރައީސް ފުވާދުތައުފީގު ރައީސް މުއިއްޒު އާއި، އަންނިގެ އެދުމުގެ މަތިންނެވެ. އޭގެ ބަދަލެއްގެ ގޮތުގައި އޭނާއަށް ވަނީ ތައިލެންޑުގެ އެމްބަސަޑަރު ކަން ދީފައެވެ.
ޑިމޮކްރެޓްސްގެ މައިގަނޑު މަސައްކަތަކީ އެމްޑީޕީއާއި ދެކޮޅަށް މަސައްކަތް ކުރުމެވެ. އަދި އެމްޑީޕީއާއި ދެކޮޅަށް ޕާޓީތެރެއިން ރައީސް ނަޝީދު ކުރި މަސައްކަތް މިހާރު ޕާޓީއިން ބޭރުވެ އާ ޕާޓީއެއް ހަދައި ދަނީ ކުރަމުންނެވެ.
ރައީސް ނަޝީދު މަސައްކަތް ކުރަމުން ދަނީ ޑިމޮކްރެޓްސްގެ ސަޕޯޓް އާއި ވޯޓު އެމްޑީޕީއަށް 2028 ގައި ދިނުމަށް ޝަރުތެއްގެ ގޮތުގައި، އެމްޑީޕީގެ ކެނޑިޑޭޓެއް ގޮތުގައި ރައީސް ނަޝީދު ނުވަތަ ރައީސް ނަޝީދު ބޭނުންވާ މީހަކު ނެރުމެވެ. މިކަމަށް މަގުފަހި ކުރުމަށް އެމްޑީޕީ ތެރެއިންނާއި ބޭރުން ރައީސް ނަޝީދު ދަނީ މަސައްކަތް ކުރަމުންނެވެ. ނަމަވެސް ޑިމޮކްރެޓްސް އަށް މީހުން ހަމަ ނުވެ، ޕާޓީ އުވިގެން ދާ ދިއުމަކީ ރައީސް ނަޝީދަށް ހަގީގަތުގައި ރާއްޖޭގައި ތާޢީދެއް ނެތްކަން ސާފުކޮށް އެނގެން އޮތް ކަމެކެވެ.