މޯލްޑިވްސް އިސްލާމިކް ބޭންކު (އެމްއައިބީ) އިން މި އަހަރު ވެސް ގެސްޓްހައުސް އެވޯޯޑު ދޭން ނިންމައި މި އަހަރުގެ އެވޯޑު އިއުލާނުކޮށްފި އެވެ.
ވީ ކިހިނެއް؟ - މިއަދު ބޭއްވި ރަސްމިއްޔާތެއްގައި އިއުލާނުކުރީ އެމްއައިބީ ގެސްޓްހައުސް ސިމްޕޯސިއަމްއާ އެކު އޮކްޓޯބަރު މަހު އެވޯޑު ބޭއްވުމަށެވެ.
ތަފްސީލް - ނެޝަނަލް ހޮޓެލް އެންޑް ގެސްޓްހައުސް އެސޯސިއޭޝަނުން އެންޑޯޒްކޮށްފައިވާ މި އެވޯޑުގައި ގެސްޓްހައުސްތަކަށް ދޭ އެވޯޑުތަކާއި އެ ސިނާއަތުގައި މަސައްކަތް ކުރާ މީހުންނަށް ދޭ އެވޯޑުތައް ވެސް ހިމެނެ އެވެ.
އެވޯޑުގެ ދާއިރާތައް:
ސާވިސް އެކްސެލެންސް އެންޑް ހޮސްޕިޓަލިޓީ އެވޯޑް
އޮތެންޓިކް މޯލްޑިވިއަން އެކްސްޕީރިއަންސް އެވޯޑް
އައިލެންޑް އެކްސްކާޝަންސް އެންޑް އެކްސްޕީރިއަންސެސް އެވޯޑް
ކަލިނަރީ އެކްސްޕީރިއަންސް އެވޯޑް
ކޮމިޔުނިޓީ އިމްޕެކްޓް އެވޯޑު
އިކޯ ފްރެންޑްލީ އެވޯޑު
ޑިޖިޓަލް ޕްރެސެންސް އެވޯޑް
އައިކޮނިކް މެރިން އެންޑް ޑައިވް އެކްސްޕީރިއަންސް އެވޯޑް
ޓެލެންޓް އެންޑް ކަލްޗާ ޗެމްޕިއަން އެވޯޑް
ގެސްޓް އެކްސްޕީރިއަންސް ޗެމްޕިއަން އެވޯޑް
އައުޓްސްޓޭޑިން ޑައިވް ލީޑާ އެވޯޑް
މީގެ އިތުރުން ގެސްޓްހައުސް ވިޔަފާރި ތަރައްގީކޮށް އެ ވިޔަފާރި ފުޅާކުރަން އެހީވެދޭ ރަށްރަށުގެ ތެރެއިން ފާހަގަކުރެވޭ ރަށަކަށް ވެސް އެވޯޑު ދޭނެ އެވެ.
އެވޯޑަށް ކުރިމަތިލާން ހުޅުވާލާނީ 15 ޖުލައިގައި
އެވޯޑާ ގުޅޭ ކަންކަން ހަވާލުކޮށްފައިވަނީ ކްރޯ މޯލްޑިވްސްއާ