އާސަންދަ މިހާރު ދޭ ގޮތް ބަދަލުކޮށް ދެމެހެއްޓެނިވި ނިޒާމަކަށް ބަދަލުކުރުމުން އަންނަ އަހަރު 500 މިލިއަން ރުފިޔާ ސަލާމަތްކުރެވޭނެ ކަމަށް، ފިނޭންސް މިނިސްޓަރު މޫސާ ޒަމީރު ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ޒަމީރު ވިދާޅުވީ، ބަލްކް ޕްރޮކިއުމަންޓާއި އާސަންދަ އަށް ގެންނަން ނިންމާފައިހުރި ބަދަލުތަކާ އެކު ވެސް އާންމުންނަށް ދޭ ހިދުމަތްތަކަށް އެއްވެސް ބަދަލެއް ނާންނާނެ ކަމަށެވެ. އަދި އާސަންދަ އަށް މި ގެންނަ ބަދަލުތަކުގެ ސަބަބުން ހަރަދުތަކުން 500 މިލިއަން ރުފިޔާ ސަލާމަތްކުރެވޭނެ ކަމަށް ހިސާބުތަކުން ދައްކާ ކަމަށް ޒަމީރު ވިދާޅުވިއެވެ.
އަމިއްލަ އިންޝުއަރެންސްތަކުން ކަވަރުކުރާ ހިދުމަތްތަކަށް އާސަންދަ ނުދިނުމަށާއި، އަންނަ އަހަރުން ފެށިގެން މުއްސަނދިން އަތުން އާސަންދަ އަށް ވަކި އަދަދެއް ދައްކަން ޖެހޭ ގޮތަށް އާސަންދައިގެ އުސޫލުތަކަށް ބަދަލުކުރަމުން އަންނައިރު މި ބަދަލުތަކާ އެކު އާސަންދަ އިން 600 މިލިއަން ރުފިޔާއާ ގާތް ކުރާ އަދަދެއް ކުޑަވެގެންދާނެކަމަށް ންނަ އަހަރަށް ލަފާކޮށް ހުށަހެޅި ބަޖެޓުގައި އަންދާޒާކޮށްފައިވެއެވެ.