މިއަދު ބޭއްވުމަށް ހަމަޖެހިފައިވާ އުރީދޫ ފަންރަންގެ ބައިވެރިންގެ ތެރެއިން ދެ މީހަކަށް ކޮލޮމްބޯ ދެކޮޅު ޓިކެޓް ދިނުމަށް އުރީދޫ މޯލްޑިވްސްއިން ނިންމައިފިއެވެ. މި އިނާމަކީ އުރީދޫ އާއި ފިޓްސްއެއާ ގުޅިގެން ދޭ އިނާމެކެވެ.
މި އިނާމު ލިބޭނީ ހުކުރު ދުވަހު ހަވީރު 5:45ގެ ކުރިން ފަންރަންގައި ރަޖިސްޓްރީވެ، ގޯޕްލޭ އެޕް ޑައުންލޯޑުކޮށް، އެޕްގައި ސައިންއަޕްކުރާ ކަސްޓަމަރުންގެ ތެރެއިން ގުރުއަތުން ހޮވޭ ދެ ފަރާތަކަށެވެ. ނަސީބުވެރިން ހޮވުމަށް ހަމަޖެހިފައިވަނީ ޑްރޯއަކުން ކަމަށާއި ފައިނަލް އިވެންޓް ބާއްވާ ދުވަހު ހަވީރު 5:45 ގައި އުރީދޫ ފަން ރަން މައި ސްޓޭޖުގައި ލައިވްކޮށް އިޢުލާނު ކުރާނެ ކަމަށް އުރީދޫއިން މަޢުލޫމާތު ދީފައިވެއެވެ.ފިޓްސްއެއާގެ މާކެޓިން އެންޑް ކޮމިއުނިކޭޝަންސް މެނޭޖަރު ޝާފިޔާ ކަރީމް ވިދާޅުވީ އުރީދޫ މޯލްޑިވްސްގެ ފަން ރަން 2024 ގައި ބައިވެރިވުމަކީ ލިބުނު ވަރަށް ބޮޑު އުފަލެއް ކަމަށެވެ. އަދި މިއީ އުރީދޫއާއެކު ކުރިއަށްގެންދެވޭ ފުރަތަމަ ކޮލަބޮރޭޝަންކަން ފާހަގަކުރެއްވިއެވެ. މި ޕާޓްނަރޝިޕްއަކީ ފިޓްސްއެއާރއިން މުޖުތަމަޢުތައް ގުޅާލައި، ދަތުރުފަތުރުގެ ވަސީލަތްތައް އަތްފޯރާ ފަށަށް ގެނެސް ކަސްޓަމަރުންނަށް އުފާވެރި ތަޖުރިބާތަކެއް ގެނެސްދިނުމަށް ކުރާ މަސައްކަތް ދައްކުވައިދޭކަމެއް ކަމަށްވެސް އޭނާ ވިދާޅުވިއެވެ.އުރީދޫ ފަން ރަންގެ ހަރަކާތްތައް ބާއްވަނީ ހުޅުމާލެ ސެންޓްރަލް ޕާކުގައެވެ. ގްރޭންޑް ގިވްއަވޭގެ އިތުރުން ފިޓްސްއެއާ އިން އަންނަނީ މި އޮފާއަށް ރަޖިސްޓްރީވާ ހުރިހާ ބައިވެރިންނަށް ކޮލަމްބޯއަށް ކުރާ ދަތުރުތަކުން 15 ޕަސެންޓް ޑިސްކައުންޓް ވެސް ދިނުމަށް ނިންމާފައެވެ.