ވޭތުވެދިޔަ 16 އަހަރުގެ ތެރޭގައި ފުރަތަމަ ފަހަރަށް ފިރިހެނުން ވޯލްޑްކަޕެއްގައި ނޮކްއައުޓް މެޗަކުން މޮޅުވެ ގަދަ 16 ބުރަށް ސްޕެއިނުން މިރޭ ލޮސް އެންޖްލަސްގައި އޮސްޓްރިއާ ބަލިކޮށް ދަތުރުކޮށްފި އެވެ.
36 މިނެޓު ވަންދެން މަޑުމަޑުން ޕްރެޝަރު ބޮޑުވަމުން ދިޔައިރު ސްޕެއިނުގެ ކުކުރޭޔާ ތިރިތިރިން ކޮށްލި ހުރަސް 12 ޔާޑު ބޭރުން ގޯލަށް ވައްދާލައިގެން ސްޕެއިނުން ލީޑު ނެގި އެވެ. އެއަށްފަހު ދެން ލީޑު ފުޅާކުރެވުނީ 66 ވަނަ މިނެޓުގައި އުފެއްދި ރީތި ކުޅުމަކުން އެލެކްސް ބައެނާ ނަގައިދިން ހުރަސް އޭރިއާ ތެރެއަށް ވަދެގެން ޑިފެންޑަރު ޕެޑްރޯ ޕޯރޯ ގޯލުގެ ތެރެއަށް ވައްދާލުމުންނެވެ.
މިނެޓެއް ބާކީ އޮއްވާ އަނެއްކާވެސް ކުކުރޭޔާއާއި އޮޔާޒަބަލްގެ ރީތި ކުޅުމަކާއެކު ސްޕެއިނުން މެޗު ޔަގީންކުރި އެވެ. ރެއާލް މެޑްރިޑަށް އަލަށް ގުޅުނު ކުކުރޭޔާ ރީތިކޮށް އޮޔާޒަބަލްއަށް ބޯޅަ ޖައްސާލުމުން އޭނާ ވަނީ ބޯޅަ ގޯލުގެ ތެރެއަށް އަމާޒުކޮށްލާ މުބާރާތުގައި އޭނާގެ 4 ވަނަ ލަނޑު ޖަހާފަ އެވެ.
ގަދަ 32 ވަނަ ބުރުގެ ފުރަތަމަ 30 މިނެޓު ހިތްހަމަނުޖެހިފައި ތިބި ސްޕެއިނަށް ހީކުރެވުނީ ކޯނަރަކުން އައި ބޯޅަ ކުކުރޭޔާ ގޯލުގެ ތެރެއަށް ފޮނުވާލުމާއެކު ލީޑެއް ނެގުނީ ކަމަށެވެ. އެހެންނަމަވެސް އޮސްޓްރިއާގެ ކީޕަރު އެލެކްޒެންޑަރ ޝްކްލޭގާއަށް ފައުލްކުރިކަމަށް ބުނެ ރެފްރީ ވަނީ އެއީ ލަނޑެއް ނޫން ކަމަށް ބުނެފަ އެވެ.
މާ ބޮޑު ފަރަގެއް ނައިސް ސްޕެއިނުން ފުރަތަމަ ހާފު ނިންމާލަން ޖެހުނީ ޝްކްލޭގާގެ މޮޅު ކަމުގެ ސަބަބުންނެވެ. އޮޔާޒަބަލް ގޯލުގެ ތިރީކަނަށް އޭނާ ފޮނުވާލީ ހަމަލާވެސް ޝްކްލޭގާ ދިފާއުކުރި އެވެ. ވަރަށް ރީތި ދެ ސޭވެއް އެކީ އެކައްޗަކަށް ކަހަލަ ގޮތަކަށް ކުރީ ބައެނާގެ ހުރަސް ދަނޑީގައި ޖެހުނު ބޯޅަ ކުޅުމަށް އައި ވަގުތު ޔަމާލް ފޮނުވާލި ހަމަލާ ވެސް ދިފާއުކޮށްގެންނެވެ.
އެހެންނަމަވެސް މިލަނޑަށް ފަހު ވެސް ފަސޭހަކަމާއެކު މެޗުގެ ކޮންޓްރޯލް ނަގާ ގަދަ 16 އިން އޮސްޓްރިއާ ވަނީ ޖާގަ ހޯދާފަ އެވެ. 1954 އަކަށްފަހު ވޯލްޑްކަޕެއްގެ ނޮކްއައުޓް މެޗެއްގައި އަލަށް އޮސްޓްރިއާއިން ވާދަކުރިއިރު ބަދަލު ކުޅުންތެރިޔެއްގެ ގޮތުގައި ކުޅެން އެރި ސާސާ ކަލަޖްޑްޒިޗް އޭނާގެ ފުރަތަމަ ޓަޗާއެކު ލަނޑެއް ޖެހުމާއި މިރޭ ވަރަށް ގާތަށް ޖެހިލި އެވެ.
އިތުރަށް މާބޮޑު ބިރެއް އޮސްޓްރިއާއަށް ނުދެއްކުނުއިރު މިއަހަރުގެ ވޯލްޑްކަޕުގެ ފުރަތަމަ ހަތަރު މެޗުން އަމިއްލަ ޓީމު ކޮޅަށް ލަނޑެއް ނުވަންނަ ލިސްޓުގައި މެކްސިކޯއާ އެއްހަމައަކަށް ސްޕެއިނުން މިވަނީ އަރާފަ އެވެ. މިމެޗުންވީ ބައްޔާއެކު އޮސްޓްރިއާ މުބާރާތުން ކެޓިއިރު ގަދަ 16 ބުރުގައި ސްޕެއިނުން ކުޅެން ޖެހޭނީ މިރޭ ކްރިސްޓިއާނޯ ރޮނާލްޑޯގެ ޕޯޗުގަލާއި ކްރޮއޭޝިއާ ބައްދަލުކުރާ މެޗުން މޮޅުވާ ޓީމަކާ ދެކޮޅަށެވެ. އެމެޗު އޮންނާނީ 6 ޖުލައިވާ ދުވަހު ޑަލަސްގަ އެވެ.