އަންނަ އަހަރު ތަޢުލީމީ ދާއިރާގެ އެންމެ ބޮޑު އަމާޒަކީ މުދައްރިސުންގެ ފަންނީ ޤާބިލުކަން އިތުރުކުރުން ކަމަށް ތަޢުލީމީ ކަންތައްތަކާ ބެހޭ ވަޒީރު ޑރ. އިސްމާޢިލް ޝަފީއު ވިދާޅުވެއްޖެއެވެ.
ޕީއެސްއެމް ނިއުސްއިން ގެނެސްދިން "ހަފްތާ 52" ޕްރޮގްރާމްގައި ވާހަކަދައްކަވަމުން ވަޒީރު ވިދާޅުވި ގޮތުގައި، އަންނަ އަހަރަށް ތަޢުލީމީ ދާއިރާއަށް 6.1 ބިލިޔަން ރުފިޔާގެ ބަޖެޓެއް ކަނޑައަޅާފައިވެއެވެ. މި ބަޖެޓުގެ ތެރެއިން "އެޑިޔުކޭޝަން ސެންޓަރ ފޯ އެކްސެލެންސް" ގެ ނަމުގައި ސެންޓަރުތައް ޤާއިމްކުރުމަށް ނިންމާފައިވާ ކަމަށް ވަޒީރު ހާމަކުރެއްވިއެވެ.
އިތުރުން، އަހަރަކު 150 މުދައްރިސުން ތަމްރީންކުރުމަށް އަމާޒުކޮށްފައިވާ ކަމަށާއި، މިކަމަށްޓަކައި އައު އެޑިއުކޭޝަން މެނޭޖްމަންޓް އިންފޮމޭޝަން ސިސްޓަމްއެއް ޤާއިމްކުރެވޭނެ ކަމަށްވެސް ވަޒީރު ވިދާޅުވިއެވެ.މީގެ އިތުރުން، ސްކޫލްތައް އޭސީ ކުރުމާއި ޓެކްސްޓް ފޮތްތައް ޑިޖިޓަލައިޒް ކުރުމުގެ މަސައްކަތް ކުރިއަށް ގެންދެވޭނެ ކަމަށްވެސް ވަޒީރު ފާހަގަކުރެއްވިއެވެ.ވަޒީރުގެ މި ބަސްފުޅުތަކުން އެނގިގެންދަނީ، ސަރުކާރުން ތަޢުލީމީ ދާއިރާއަށްދާއިރާއަށް ޚާއްޞަ އަހައްމިއްޔަތުކަމެއް ދެއްވާކަމާއި، މުދައްރިސުންގެ ފެންވަރު މަތިކުރުމަށް ގިނަ މަސައްކަތްތަކެއް ކުރައްވަން ރާވާފައިވާކަމެވެ. މި މަސައްކަތްތަކުގެ ސަބަބުން ރާއްޖޭގެ ތަޢުލީމީ ދާއިރާ އިތުރަށް ކުރިއަރައި، ދަރިވަރުންނަށް ލިބޭ ތަޢުލީމުގެ ފެންވަރު މަތިވެގެންދާނެ ކަމަށް އުއްމީދުކުރެވެއެވެ.