ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ)ގެ ހިޔާނާތުގެ މައްސަލައެއްގެ ތަހްގީގަށް އެކުންފުނީގެ ކުރީގެ މެނޭޖިން ޑިރެކްޓަރު މޫސާ އަލިމަނިކު (މޫކޭ) ދިރިއުޅޭ މާލޭގެ ގެއަކަށާއި އޭނާގެ އަނބިމީހާ ފާތިމަތު ޒަހިއްޔާ ދިރިއުޅޭ ވިނަރެސް ފްލެޓްގެ އެޕާޓްމަންޓަކަށް ފުލުހުން ވަދެ އެތަންތަން ފާސްކުރަން ފަށައިފިއެވެ.
އަދި އާރްޑީސީގެ އިސް މަގާމެއް މިދިޔަ ސަރުކާރުގައި ފުރި ޔާސިރު އަހްމަދު ދިރިއުޅޭ ހުޅުމާލޭގެ އެޕާޓްމަންޓަކަށް ވެސް ފުލުހުން ވަދެ އަންނަނީ ފާސް ކުރަމުންނެވެ.
ތިން އެޕާޓްމަންޓަށް ވެސް ފުލުހުން ވަނީ މިރޭ ގާތްގަނޑަކަށް 02:00 ކަންހާއިރުއެވެ.
އެޕާޓްމަންޓްތަކަށް ފުލުހުން ވަނީ އާރްޑީސީގެ އެކައުންޓަކުން ބައެއް އާއްމުންގެ އެކައުންޓްތަކަށް ފައިސާ ޖަމާކޮށްފައިވާ ކަމަށް ތުހުމަތު ކުރެވޭ މައްސަލައިގެ ތަހްގީގަށް ހެކި ހޯދަން ކަމަށް މައުލޫމާތު ލިބެއެވެ.
ނަމަވެސް މިއޮޕަރޭޝަންގެ އެއްވެސް މައުލޫމާތެއް ފުލުހުން އަދި ހާމައެއް ނުކުރެއެވެ.