"ދިވެހީންނަކީ ގައުމަށް ދިމާވާ ކޮންމެ މުހިންމު ހާލަތެއްގައި، އެއް އާއިލާއެއްގެ ބަދަހިކަން ދައްކާ، އުހުއްވަތްތެރި، އެކުވެރި، އޯގާތެރި، ހެޔޮލަފާ ރައްޔިތުންތަކެއް،" ރައީސްގެ ޕޯސްޓުގައިވެ އެވެ.
ދިވެހީންނަކީ ގައުމަށް ދިމާވާ ކޮންމެ މުހިންމު ކަމެއްގައި އެއް އާއިލާއެއްގެ ބަދަހިކަން ދައްކާ ބައެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ރައީސް މިހެން ވިދާޅުވީ މިއަދު ފާހަގަކުރާ ދިވެހިންގެ އެއްބައިވަންތަކަމުގެ ދުވަހުގެ ތަހުނިޔާ ފޮނުއްވައި، އެކްސްގައި ކުރެއްވި ޕޯސްޓެއްގަ އެވެ. މި މެސެޖު ރައީސް ހިއްސާކުރައްވާފައި ވަނީ ބަދަހިކަން ދައްކުވައިދޭ އަތާއަތް ގުޅުވާލާފައިވާ ފޮޓޯއަކާ އެކު އެވެ."ދިވެހީންނަކީ ގައުމަށް ދިމާވާ ކޮންމެ މުހިންމު ހާލަތެއްގައި، އެއް އާއިލާއެއްގެ ބަދަހިކަން ދައްކާ، އުހުއްވަތްތެރި، އެކުވެރި، އޯގާތެރި، ހެޔޮލަފާ ރައްޔިތުންތަކެއް،" ރައީސްގެ ޕޯސްޓުގައިވެ އެވެ.ދިވެހިންގެ އެއްބައިވަންތަކަމުގެ ދުވަހަކީ ޑިސެމްބަރު 26، 2004 ގައި ރާއްޖެއަށް ކުރިމަތިވި ސުނާމީ ކާރިސާއާ ގުޅިގެން ދިމާވި ކަންކަމުގައި ދިވެހިންގެ މެދުގައި ފެނިގެން ދިޔަ ބަދަހިކަން ފާހަގަކުރުމަށް ފާހަގަ ކުރާ ދުވަހެވެ.ސުނާމީ ކާރިސާގައި ނިޔާވި މީހުންނާއި ގެއްލުނު މީހުންގެ ހަނދާނުގައި މިއަދު ހެނދުނު ވަނީ ސުކޫތު ކޮޅެއް ވެސް ގެނެސްފަ އެވެ. ހުރަވީ ބިލްޑިން ހުރި ސަރަހައްދުގައި ކުރިއަށް ގެންދިޔަ ހަމަހިމޭންކަމުގެ މި ސުކޫތުކޮޅުގައި ރައީސްގެ އިތުރުން ވަޒީރުންނާއި ރައީސް އޮފީހުގެ މުވައްޒަފުން ބައިވެރިވެވަޑައިގެންނެވި އެވެ. މީގެ އިތުރުން މާލޭ ސަރަހައްދުގެ އޮފީސްތަކުގެ މުވައްޒަފުން ވެސް ބޭރަށް ނުކުމެ މި ސުކޫތުކޮޅުގައި ވަނީ ބައިވެރިވެފަ އެވެ.ސުނާމީ ކާރިސާގައި ރާއްޖޭގައި މީހުން ދިރިއުޅޭ ނުވަ ރަށެއް ފިޔަވައި އެހެން ހުރިހާ ރަށަކަށް ރާޅުގެ އަސަރު ކޮށްފައިވެ އެވެ. އަދި 82 ދިވެހިން ނިޔާވެ، 26 ދިވެހިން ވީނުވީއެއް ނޭނގި ގެއްލި، 15000 މީހުންގެ ގެދޮރު ވަނީ ގެއްލިފައިވެ އެވެ. އެދުވަހު ހާލުގައިޖެހުނު ފަރާތްތަކަށް އެހީވުމުުގެ ގޮތުން ދިވެހިން ދައްކުވައިދިން ހިތްވަރާއި ވިލުންތެރިކަން ފާހަގަ ކުރުމުގެ ގޮތުން ކޮންމެ އަހަރެއްގެ ޑިސެންބަރުމަހުގެ 26 ވަނަ ދުވަސް، ދިވެހިންގެ އެއްބައިވަންތަކަމުގެ ދުވަހުގެ ގޮތުގައި ދަނީ ފާހަގަކުރަމުންނެވެ. 
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ