ރާއްޖޭގެ ގައުމީ އެއާލައިން މޯލްޑިވިއަނުން ގަނެފައިވާ އޭޓީއާރް މަރުކާގެ 4 ވަނަ ފްލައިޓް ރާއްޖެ ގެނެސްފިއެވެ.
މި ފްލައިޓް ރާއްޖެ ގެނެސްފައިވަނީ މިއަދެވެ. މޯލްޑިވިއަނުން ބުނީ ފްލައިޓް އޮޕަރޭޝަނަށް ނެރޭނެ ކަމަށެވެ. އެ ބޯޓުގެ ޓެސްޓް ފްލައިޓްތައް ފްރާންސްގައި ވަނީ ކުރިއަށް ގެންގޮސްފައެވެ.
މޯލްޑިވިއަން އިން ދާދި ފަހުން ވަނީ އޭޓީއާރް-42-600ގެ އިތުރު ދެ ފްލައިޓް ރާއްޖެ ގެނައުމަށް އެއްބަސްވުމުގައި ސޮއިކޮށްފައެވެ. އެ ދެ ފްލައިޓް މި އަހަރު ފަހުކޮޅު ރާއްޖެ ގެނެވޭނެ ކަމަށް ބެލެވެއެވެ.
އޭޓީއާރް މަރްކާގެ ސަބަބުން އުޅަނދަށް ބޭނުންވާ މެއިންޓެނަންސްގެ ޚަރަދުތައް ވެސް ފުދޭވަރަކަށް ކުޑަވެގެން ދާނެއެވެ.
މޯލްޑިވިއަން އިން މިހާރު އާޓީއާރް މަރުކާގެ ތިން ބޯޓު ބޭނުން ކުރަމުންދާއިރު، ތިން ވަނަ ބޯޓު ރާއްޖެ ގެނެސްފައި ވަނީ މިދިޔަ އަހަރު އޭޕްރިލް މަސް ތެރޭގައެވެ.
މޯލްޑިވިއަންއިން އޭޓިއާރް މަރުކާގެ ބޯޓުތައް ބޭނުން ކުރަމުން ދަނީ އެތެރޭގެ އުދުހުންތަކަށެވެ. ބޭރުގެ ދަތުރުތަކަށް ބޭނުން ކުރަމުން ދަނީ އޭ320ގެ ބޯޓެކެވެ