މުއިއްޒު މަޖީދިއްޔާގެ އެތައް ސަތޭކަ ދަރިވަރުންތަކެއް ކުރިމަތީ އަލަށް ތިމަންނާ އަލަށް ސްމާޓް ކްލާސްރޫމް އަޅާދޭނެ ކަމަށް ބުނެ ހެދި ދޮގާއި އެކު ސްކޫލް ކުދިން މުއިއްޒަށް ކޭޒީއޭ (ކުރުކޮށް ކައްޒާބު) ކިޔުން އިތުރު ވެއްޖެއެވެ.
”ސައްތަވީ ބިނާ“ އިފުތިތާޙްކޮށްދެއްވުމުގެ ރަސްމިއްޔާތުގައި މުއިއްޒު ވާހަކަފުޅު ދައްކަވަމުން ހެދި ދޮގާއި އެކު މުއިއްޒު ވަނީ ސްކޫލް ކުދިންގެ މެދުގައި ބޮޑު ޖޯކަކަށް ވެފައެވެ.
ޤައުމުގެ ވެރިމީހާ ވޯޓުވެސް ނުލެވޭ ކުޑަ ކުދިން ތަކެއް ކައިރިއަށް ގޮސް، ގަދަވާން ވެގެން ވައުދުވެ، އެ ވައުދު ވުމުގައި ވެސް ދޮގު ހެދުމުން މުއިއްޒުގެ އަގު ސްކޫލް ކުދިންގެ ކުރިމަތީ ވަނީ ވެއްޓިފައެވެ.
އާންމު ގޮތެއްގައި ސްކޫލްތަކަށް ގޮސް، ރާއްޖޭގެ ރައީސުންވެސް، އަދި ބޭރު ޤައުމުތަކުގެ ރައީސުންވެސް ކުދިންނަށް ދެނީ އިބުރަތްތެރި ނަސޭހަތުގެ ބަސްކޮޅެކެވެ. ވައުދުވެ ނޫޅެއެވެ. ނަމަވެސް މުއިއްޒަށް ދޮގު ހެދުމަށް އާދަވެފައިވާލެއް ބޮޑު ކަމުން، ސްކޫލް ކުދިން ކައިރީވެސް ހެދުނީ ދޮގެކެވެ.