ފުލުހުން ބުނެފައި ވަނީ ލުޖައިން ވަގަށް ނަގާފައިވާ ސިނގިރޭޓު ކާޓޫނުތަކަކީ އޯޝަން ނޯޓިކަލް ޕްރައިވެޓް ލިމިޓެޑުން އޭނާ ވަގަށް ނަގާފައިވާ ތަކެތިކަން އެނގިފައިވާ ކަމަށެވެ. މި މައްސަލަ ފުލުހުން ދަނީ ތަހުގީގު ކުރަމުންނެވެ.
ގިނަ އަދަދެއްގެ ސިނގިރޭޓު ކާޓޫނުތަކެއް ވަގަށް ނެގި މީހަކު ފުލުހުން އިއްޔެ ހައްޔަރުކޮށްފި އެވެ.
ފުލުހުން ރޭ ބުނީ އިއްޔެ 5:40 ހާއިރު މާލޭ މަގުމަތި ފުލުހުން ޕެޓްރޯލް ކުރަމުން ދިޔައިރު އޮލިމްޕަސް ކައިރިން މީހެއްގެ އަމަލުތައް ހުރި ގޮތުން ޝައްކުވެގެން ހުއްޓުވާފައިވާ ކަމަށެވެ. އެމީހާ ހުއްޓުވައި، އޭނާ ގެންގުޅުނު ދަބަސްތަކާއި ކޮތަޅުތަކެއް ބަލައި ފާސްކުރިއިރު 67 ކާޓޫނު ސިނގިރޭޓު ފެނިފައިވާ ކަމަށެވެ.މި މައްސަލައިގައި ހައްޔަރު ކޮށްފައި ވަނީ އުމުރުން 24 އަހަރުގެ ށ. ފޭދޫ، ހިނރުދުމާގޭ އަހުމަދު ލުޖައިން ކިޔާ މީހެކެވެ. އޭނާގެ ބަންދާމެދު ގޮތެއް ނިންމަން އިއްޔެ ކްރިމިނަލް ކޯޓަށް ގެންދިއުމުން، ފަސް ދުވަހަށް ބަންދު ކުރަން ވަނީ އަމުރުކޮށްފަ އެވެ. އޭނާގެ މައްޗަށް ނެރެފައިވާ ބަންދު އަމުރުން އެނގޭ ގޮތުގައި، އޭނާއަކީ އެބާވަތުގެ މައްސަލަތަކުގައި ހައްޔަރާއި ބަންދު ލޮގު ގިނަ މީހެކެވެ. ފަސް ދުވަހަށް އޭނާ ބަންދުކުރީ ގާނޫނީ ވަކީލެއްގެ ފުރުސަތު ބޭނުންވާ ކަމަށް އޭނާ ބުނުމުންނެވެ.ފުލުހުން ބުނެފައި ވަނީ ލުޖައިން ވަގަށް ނަގާފައިވާ ސިނގިރޭޓު ކާޓޫނުތަކަކީ އޯޝަން ނޯޓިކަލް ޕްރައިވެޓް ލިމިޓެޑުން އޭނާ ވަގަށް ނަގާފައިވާ ތަކެތިކަން އެނގިފައިވާ ކަމަށެވެ. މި މައްސަލަ ފުލުހުން ދަނީ ތަހުގީގު ކުރަމުންނެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ