މޯލްޑިވްސް މީޑިއާ އެންޑް ބްރޯޑްކާސްޓިންގ ކޮމިޝަނަށް ހުށަހެޅޭ ޝަކުވާތަކާއި މައްސަލަތައް ބަލައި ފިޔަވަޅުއެޅުމާ ގުޅޭ އައު ގަވާއިދު އެކުލަވައިލައި، ސަރުކާރުގެ ގެޒެޓްގައި މިއަދު ޝާއިޢުކޮށް، އެގަވާއިދަށް އަމަލުކުރަން ފަށައިފިއެވެ.
މީގެ އިތުރުން ކޮމިޝަނުގެ ނިންމުމަކާ މެދު ހިތްހަމަނުޖެހޭނަމަ އެ ނިންމުމެއް ނިންމި ތާރީޚުން ފެށިގެން 7 ދުވަހުގެ ތެރޭގައި އެ ނިންމުން މުރާޖަޢާކޮށްދިނުމަށް އެދި ހުށަހެޅުމުގެ ފުރުޞަތު މި ގަވާއިދުގެ ދަށުން އޮންނާނެއެވެ. އަދި ކޮމިޝަނުގެ ނިންމުމަކުން އެއްވެސް ފަރާތެއްގެ ޙައްޤަކަށް އުނިކަމެއް ލިބިއްޖެ ކަމަށް ދެކޭނަމަ، 6 މަސްދުވަހުގެ ތެރޭގައި އެ މައްސަލައެއް ކޯޓަށް ހުށަހެޅިދާނެއެވެ.