ރިޔާސީ އިންތިޚާބާއި މަޖިލިސް އިންތިޚާބު އެއްކޮށް ބޭއްވުމަށް މި ސަރުކާރުން ތާއީދު ހޯދަމުން އަންނައިރު، އެފަދަ ގޮތަކަށް އިންތިޚާބުތައް ބޭއްވުމަކީ، ކެމްޕެއިންގެ ދުވަސްވަރު އެކަމަށް ހުސްނުވެ، ބިނާކުރަނިވި މަސައްކަތްތަކެއް ކުރުމަށް އިތުރު ވަގުތު ލިބޭނެ ކަމެއް ކަމަށް ލޯކަލް ގަވަމެންޓް މިނިސްޓަރު އާދަމް ޝަރީފް އުމަރު މިއަދު ވިދާޅުވެއްޖެއެވެ. މައި ދެ އިންތިޚާބު އެއްކޮށްލުމަށް ރައްޔިތުންގެ ފެންނަ ނުފެންނަ ވޯޓެއް، އަންނަ އޭޕްރިލް މަހުގެ ހަތަރު ވަނަ ދުވަހު ބޭއްވުމަށް ރައީސް ޑރ. މުހައްމަދު މުއިއްޒު ވަނީ ނިންމަވައިފައެވެ. އެ އެ ވޯޓު ބާއްވާ ދުވަސް ދިމާވަނީ، ކައުންސިލްތަކާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީޓަކަށް މެންބަރުން އައްޔަންކުރުމަށް އިންތިޚާބު ބާއްވާ ދުވަހާއެވެ. މިއަދު ބޭއްވި ނޫސްވެރީންގެ ބައްދަލުވުމެއްގައި މިނިސްޓަރު ވިދާޅުވީ، އެއް ދުވަހެއްގައި ދެ އިންތިޚާބު ބޭއްވުމަކީ ވަރަށް ހަރުދަނާ، އަދި އެކަމުގެ ސަބަބުން ރާއްޖޭގެ ހިންގުމަށް ހެޔޮ ބަދަލުތަކެއް އަންނާނެ ކަމެއް ކަމަށެވެ. އެކަމުގެ ސަބަބުން، ރާއްޖޭގައި ''ކެމްޕެއިން ފީވާ'' ކުޑަވާނެ ކަމަށް ވެސް އާދަމް ޝަރީފް ވަނީ ވިދާޅުވެފައެވެ. ދެ އިންތިޚާބު އެކުގައި ބޭއްވުމަކީ ކެންޕެއިން ފީވާ ނުވަތަ ކެންޕެއިންގެ ދުވަސްވަރު އެކަމަށް ހުސްނުވެ ބިނާކުރެނިވި މަސައްކަތްތަކެއް ކުރުމަށް އިތުރު ވަގުތު ލިބިގެންދާނެ ކަމެއް. ލޯކަލް ގަވަމެންޓް މިނިސްޓަރު އާދަމް ޝަރީފް އުމަރު އެ ނޫސްވެރީންގެ ބައްދަލުވުމުގައި މިނިސްޓަރު އިތުރަށް ވިދާޅުވީ، ލޯކަލް ގަވަމެންޓް މިނިސްޓްރީ ނެތްނަމަ، ރާއްޖޭގެ ލާމަރުކަޒީ ނިޒާމަށް މީގެ ކުރީން ލިބިފައިވާ ނިކަމެތިކަމާއި ހީނަރުކަން އަނެއްކާވެސް ލިބޭނެ ކަމަށް ވިދާޅުވެފައެވެ. ލޯކަލް ގަވަމެންޓް މިނިސްޓްރީއިން މިއަދު ޭއްވި ނޫސްވެރީންގެ ބައްދަލުވުމުގެ ތެރެއިން -- ފޮޓޯ: ރައީސް އޮފީސް އެހެންކަމުން އޭނާ ގަބޫލުކުރައްވާ ގޮތުގައި ރާއްޖޭގެ ރަށްތައް ތަރައްގީކުރަން ބޭނުންވާނަމަ އެންމެ މުހިންމު ތަނަކަށް ވާނީ އެ މިނިސްޓްރީކަން މިނިސްޓަރު ވަނީ ފާހަގަކުރައްވާފައެވެ. މިނިސްޓަރު ވަނީ ލޯކަލް ގަވަމެންޓް އޮތޯރިޓީ (އެލްޖީއޭ)އިން ކުރަމުންދާ މަސައްކަތްތަކާއި މިނިސްޓްރީގެ ފަރާތުން ކުރަމުންދާ މަސައްކަތްތަކަކީ ތަފާތު މަސައްކަތްތަކެއްކަން ފާހަގަކޮށްފައެވެ. އެގޮތުން މިނިސްޓްރީން ކުރަމުންދާ މަސައްކަތްތަކަކީ އެލްޖީއޭއިން ކުރާ މަސައްކަތުގެ ބޭރުން، ލާމަރުކަޒީ ނިޒާމަށް ސަޕޯޓު ދިނުމަށް ކުރާ މަސައްކަތްތައްކަން މިނިސްޓަރު ވަނީ ފާހަގަކުރައްވާފައެވެ. https://sun.mv/218575 މައި ދެ އިންތިޚާބު އެއްކޮށްލަން ބޭނުންވަނީ ޚަރަދު ކުޑަކުރަން ކަމަށް ސަރުކާރުން ވަނީ ބުނެފައެވެ. އެގޮތުން ރައީސް ޑރ. މުހައްމަދު މުއިއްޒު މީގެ ކުރިން ވިދާޅުވި ގޮތުގައި ރިޔާސީ އިންތިޚާބާއި މަޖިލިސް އިންތިޚާބު އެއްކޮށް ބޭއްވުމުން ރައްޔިތުންގެ ފައިސާއިން މަދުވެގެން 120 މިލިއަން ރުފިޔާ ސަލާމަތް ކުރެވޭނެވެ.