ޖުމުހޫރީ ދުވަހުގެ މުނާސަބަތުގައި އެމްއެންޑީއެފުން ހުށަހަޅައިދޭ މިއުޒިކަލް ޑްރިލް ޑިސްޕްލޭގެ ހަރަކާތްތައް މިއަދު ހަވީރު ބާއްވާގޮތައް ހަމަޖައްސައިފިއެވެ.
އެމްއެންޑީއެފް އިން ބުނެފައިވަނީ މިއަދު ހަވީރު 16:30 ގައި ޖުމްހޫރީ މައިދާން ސަރަޙައްދުގައި ފެށުމަށް ހަމަޖެހިފައިވާ މިއުޒިކަލް ޑްރިލް ޑިސްޕްލޭގެ ހަރަކާތްތައް ބަލާލުމުގެ ފުރުޞަތު އާންމުކޮށްވަނީ ހުޅުވާލެވިފައިވާކަމަށާއި ޑްރިލް ސްކޮޑުގެ ބައިވެރިންނާއިއެކު ފޮޓޯ ނެގުމުގެ ފުރުޞަތުވެސް އާންމުކޮށް ހުޅުވާލެވިފައިވާކަމަށެވެ.
އެމްއެންޑީއެފުން ނަޞްރުގެ ދުވަހުގެ މުނާޞަބަތުގައި މާލެއާއި ހުޅުމާލެ އަދި ވިލިމާލޭގައި ހުށަހަޅައިދިން ޑްރިލް ޑްސްޕްލޭގެ ހަރަކާތްތަކަށް އާންމުންގެ ވަރަށް ބޮޑު ތަރުހީބެއް ވަނީ ލިބިގެން ގޮސްފައެވެ.