ރައްޔިތުންގެ މަޖިލީހުގެ ދަނގެތީ ދާއިރާގެ މެމްބަރު އިލްހާމް އަހްމަދު އާއި ތިނަދޫ އުތުރު ދާއިރާގެ މެމްބަރު ސައުދުﷲ ހިލްމީގެ ގޮނޑީގެ މައްސަލަ ސުޕްރީމް ކޯޓުގައި މާދަމައަށް ތާވަލުކޮށްފިއެވެ.
އެގޮތުންމި ދެ މައްސަލަ ތާވަލުކޮށްފައިވާއިރު އެމްޕީ އިލްހާމްގެ މައްސަލަ ތާވަލުކޮށްފައިވަނީ ހެނދުނު 10:00 އަށެވެ. އެމްޕީ ސައުދުﷲ ހިލްމީގެ މައްސަލަ ތާވަލުކޮށްފައިވަނީ މެންދުރު ފަހު 01:00 އަށެވެ.
މި ދެ މެމްބަރުންގެ ގޮނޑީގެ މައްސަލަ ތާވަލުކޮށްފައިވާއިރު ގޮނޑި ގެއްލުނު ކަމަށް ބުނާ 12 މެމްބަރުންގެ ތެރެއިން ހަތަރު މެމްބަރެއްގެ ގޮނޑި ނުގެއްލޭ ކަމަށް ސުޕްރީމް ކޯޓުން ވަނީ ނިންމާފައެވެ. އަދި އިތުރު ދެ އެމްޕީއެއްގެ ގޮނޑީގެ މައްސަލައިގެ އަޑު އެހުންތައް ވަނީ ނިންމާލާފައެވެ.