ކާމަސްތުރަ ޝޭހާއި ވައްހާބީ ބޮޑު ޝޭހަށް ނިސްބަތްވާ ދެމަފިރިއަކަށް ގައުމު ހިތަކަށް ލިބުނީމާ ވާނެގޮތް ހިތައް އަރުވާލާށެވެ. ދީނަކީ އެ މީހުންގެ ކިހިލީގައި އޮތް ނިލިއަޅާ ބޮނބި ނަރުބޮޑިއެކޭ ތަފާތެއްނެތެވެ.
އެއިރަކު ބޭނުންވާ ފަލަމިނަކާއި ދިގުމިނެއްގައި ރޯނު ވަށަން އަޅާ ނިއްޔެކޭ މުއިއްޒު ދީނަށް ނަސްރުދޭ ދިނުމެކޭ ތަފާތެއް ނޯވެއެވެ. ބޭނުންކަމެއްގައި ދީނީކުލަ ބޭނުން ވަރަކަށް ޖައްސައި ސަލަފީން ލައްވަ އެކަމެއް ޕްރަމޯޓްކުރެއެވެ. ބޭނުން ބަޔަކު ލާދީނީކުރެވައެވެ.  
ބިދުއަ ސަގާފަތަށްވެ އިސްރާފް ޒީނަތަށްވެ ކަންދެއްކުން ފެޝަނަށްވެ ރިބާ ވިޔަފާރިއަށްވެ ރިޝްވަތު އާއްމުވެއްޖެއެވެ. ޖަނާބިން ނޫނީ ހަލާލެއް ހަރާމެއް ވަކިކުރަން އެނގޭ މީހަކު ހުންނަ ކަމަކަށް ނުވެއެވެ. ގުއިވަޅުމެހި ވެސް ވައުޒު ބުނަން ފަށަތްޕެވެ.
ދީނީ ގޮތުން ފަހުބަސް ބުނަން ވަޒީރު ފެންވަރުގައި މަހާރެހެންދިގެ ބޮޑޭ ނޫނީ އެހެން މީހަކު ގައުމުގައި ނެތިއްޖެއެވެ. އިސްލާމީ މަރުކަޒުގެ އިމާމުކަމުގައި މަހާ ރެހެންދީގެ. ބޮޑުބޭބެ ނޫން މީހަކު ހުރިނަމަ އެ މަގާމަކީ މިނިސްޓަރ ފެންވަރުގެ މަގާމަކަށް ނުވީހެވެ 
މިހެން ބުނުމުން ގުއިވަޅު މެހިތައް ބޫންބުން އަޅުވާފައި ގޮވަންފަށާނީ މިނިސްޓަރ ފެންވަރުގައި ޝޭހު ޝާތިރު އިސްލާމީ މަރުކަޒުގެ އިމާމުކަން ކުރެއްވި ވާހަކައެވެ. އޮނަރަބަލް ޝާތިރަށް އިމާމްކަން ދެއްވީ މިނިސްޓަރ ފެންވަރުގެ މަގާމެއްގައި ހުންނަވަނިކޮށެވެ. އެހެންކަމުން އިސްލާމީ މަރުކަޒުގެ މަގާމުގައި ޝާތިރު ހުންނެވުމުން އެ މަގާމަކީ ވަގުތީ ގޮތުން މިނިސްޓަރ ފެންވަރުގެ މަގާމަކަށްވިއެވެ. އެކަމަކު މިހާރު އެހުރި ލަތީފް އިމާމް މިނިސްޓަރަކަށް މަހަ ރެހެންދީގެ ބޮޑުބެއަށް ވިޔަތީއެވެ. 
ހިލޭ ފިރިހެނުންނަ އަތްޖޯޑުކޮށް ސަލާންކޮށް ނޫޅޭކަމަށް ދެއްކިގެން އުޅެއުޅެފާ ޖެހުނިހާ މީހަކާ އަތް ޖޯޑްކޮށް އުޅެން މަހާ ރެހެންދިއަށް ހުއްދަ ވެއްޖެއެވެ. ރައީސް ވިދާޅު ބަސްފުޅަކީ ދީނި ޝިއާރަށް ވެއްޖެއެވެ 
ބޮކި އިސްލާން ކޮށްގެން އީދަށް ދިއްލައިގެން އިސްރާފުކުރަމުން ދީނަށް ނަސްރު ދިނުމުގެ ނަމުގައި ދައުލަތުން ހޭދަކޮށްގެ ހުރާފާތާއި ކޮރުލާ މުންކަޜާތް އާލާކުރަނީއެވެ. ވެރިކަމުގެ ފުރަތަމަ 3 ދުވަހު މޮޓޯކޭޑްގައި ފަތިސްނަމާދަށް ދިޔަ ރައީސްއަށް ސްޓޫޑެންޓް ލޯނުން ނޫނީ ރިބައެއް ނުފެނުނެވެ..އިޒްރޭލް ޕާސްޕޯޓް މަނައެއް ނުކުރެވުނެވެ. މުއިއްޒުގެ ދިނަށް ނަސްރު ދިނުން ގަނޑުކިހާ ސަޅިހެއްޔެވެ.