ގާޒާގެ ނަ ބަޔަކު އެމީހުންގެ ވަޒަނަށް އެނބުރި ގޮސްފައިވާއިރު މުޅި ތަނުން ފެންނަނީ ވީރާނާ ކަމެވެ. އެމީހުންގެ އަގު ބޮޑު މުދާ ވަނީ އިސްރާއިލް ސިފައިން ވަނީ ލޫޓުވާލާފަ އެވެ.
މުޅިތަން ހަފުސްވެ ބިނާ ހަމަވެ، ގާކުނޑިތަކެއް ހުއްޓަސް މިއަދު ފަލަސްތީނުގެ ރައްޔިތުން އެވަނީ 15 މަސް ފަހުން ގާޒާއަށް ވަދެފަ އެވެ. 
އެމެރިކާގެ ވަރުގަދަ ހަތިޔާރުތަކުގެ ބޭނުންކޮށްގެން އިސްރާއިލުން ހަތިޔާރު ނެތް ފަލަސްތީނު ރައްޔިތުންގެ ގެދޮރުގެ 90 ޕަސެންޓް ބިމާ ހަމަކޮށްފައިވާއިރު، ފަލަސްތީނުގެ ރައްޔިތުން މިއަދު ވަނީ އެތަނަށް 15 މަސް ފަހުން އަނބުރާ ގޮސްފަ އެވެ. އެނބުރި އެމީހުންގެ ގެދޮރަށް ދިޔައިރު އެތަނުން ފެންނަނީ ވީރާނާ ކަމެވެ. ދިރިއުޅުމަށް އުމުރަށް ކުރި ހުރިހާ މަސައްކަތެއް ވަނީ ވެއްޔަށްވެފަ އެވެ. އެމީހުންގެ ގެދޮރުގައި ހުރީއްޔާ ހުރި އަގުބޮޑު ތަކެތި އިސްރާއިލް ސިފައިން ވަނީ ފޭރިގެން ގޮސްފަ އެވެ. 
ނަމަވެސް މިއަދު ގާޒާގެ ރައްޔިތުން ދެކެނީ މިއީ އެމީހުންގެ ނަސްރުގެ ދުވަހުގެ ގޮތުގަ އެވެ. އަލްޖަޒީއަށް އިންޓިވިއުދިން މީހަކު ބުނެފައިވާ ގޮތުގައި މިއަދުން ފެށިގެން އެމީހުންގެ ގެދޮރު ބިނާ ކުރުމުގެ މަސައްކަތް ފަަށާނެ އެވެ. ގާބުރިއެއްގެ މަތީ ގާބުރިއެއް ބަހައްޓައިގެން ނަމަވެސް ގެދޮރު ބިނާކޮށް ދިރިއުޅުން ފަށައިގަންނާނެ އެވެ. 
ގާޒާގެ ރައްޔިތުންނަށް މިއަދު ނަސްރު ލިބިގެން ގޮސްފައިވަނީ އިސްރާއިލުން އެމެރިކާގެ އެހީތެރިކަމާއެކު ހަމާސް ބަލިކުރަން ފެށި މަސައްކަތް ނާކާމިޔާބު ވެގެންނެވެ. ހަމާސް ނައްތާލާނެ ކަމަށާ ހަމާސްއިން ރަހީނުކޮށްފައިވާ އިސްރާއިލްގެ 100 އަށްވުރެ ގިނަ ރަހީނުން ގަދަކަމުން މިނިވަން ކުރާނެ ކަމަށް އިސްރާއިލުން ވައުދުވިނަމަވެސް އެންމެފަހުން ހަތިޔާރު ބަހައްޓަން މަޖުބޫރުވި އެވެ. 
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ