ބޯޓުގައި ތިން މީހުން ތިބިއިރު، ބޯޓުވަނީ މިހާރު ފުލުހުންނާ ހަވާލުކޮށްފަ
ގަވައިދާ ހިލާފަށް ރާއްޖޭގެ އިގުތިސޯދީ ސަރަހައްދަށްވަދެ އުޅެނިކޮށް ޑްރޯންގެ އެހީގައި ހޯދިފައިވަނީ ސްރީ ލަންކާގެ މަސްބޯޓެއް ކަމަށް އެމްއެންޑީއެފުން މިއަދު ބުނެފިއެވެ. 
މިބޯޓު 'އެއާ ކޯ ޑްރޯން'ގެ އެހީގައި ހޯދާފައިވަނީ ރާއްޖޭގެ އިގުތިސޯދީ ސަރަހައްދު ބެލެހެއްޓުމަށް މިދިޔަ ބުރާސްފަތި ދުވަހުގެރޭ ހިންގި އޮޕަރޭޝަނެއްގައި ކަމަށް އެފަރާތުން ބުނެއެވެ.
ލަންކާއަށް ނިސްބަތްވާ އެބޯޓު ފެނުންއިރު އޭގައިތިބީ ތިން މީހުން ކަމަށާއި، ބޯޓު މިހާރުވަނީ ފުލުހުންނާއި ހަވާލުކޮށްފައިކަމަށް އެމްއެންޑީއެފުން މިއަދު މައުލޫމާތުދިނެވެ. މިދިޔަމަހުގެ ތެރޭގައިވެސް މިފަދަ އޮޕަރޭޝަނެއްގައި ގަވާއިދާއި ހިލާފަށް ރާއްޖެ ސަރަހައްދަށް ވަދެ އުޅުނު ބޯޓެއް ހިފާއްޓާފައިވާކަން ފާހަގަކޮށްލެވެއެވެ.
މީގެއިތުރުން ރާއްޖޭގެ ސަރަހައްދަށް ގަވާއިދާ ހިލާފަށް ވަދެގެން އުޅުނު ސޯމާލިއާ ޑިންގީއެއް ވެސް މިދިޔަ ހަފްތާގައި ހިފާއްޓާފައިވެއެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ