ހަމައެއާއެކު، ޓެލްގްރެފިކް ޓްރާންސްފަރ (ޓީޓީ) މެދުވެރިކޮށް ފޮނުވާ ފައިސާގެ މިންވަރުވެސް ވަނީ އިތުރުވެފައެވެ. 2023 ވަނަ އަހަރު އެވްރެޖްކޮށް މަހަކު 10.2 މިލިއަން ޑޮލަރު ޓީޓީ ހެދުމަށް ވިއްކާފައިވާއިރު، މިއަހަރު އެ އަދަދު ވަނީ މަހަކު 28 މިލިއަން ޑޮލަރަށް އަރާފައެވެ. މީގެ އިތުރުން ތަޢުލީމާއި ބޭސްފަރުވާއަށް ވިއްކާ ޑޮލަރުގެ މިންވަރުވެސް އަހަރުން އަހަރަށް އިތުރުވަމުން ގޮސް، މިއަހަރު މަހަކު އެވްރެޖްކޮށް 5.8 މިލިއަން ޑޮލަރު އެ ބޭނުންތަކަށް ދޫކުރަމުންދާކަން ބޭންކުން ފާހަގަކުރެއެވެ.