0-4 ގެ ނަތީޖާއަކުން ޓޮޓެންހަމްގެ މައްޗަށް ކުރި ހޯދާ ލިވަޕޫލް ލީގުގެ އެއްވަނަ މަގާމަށް ޖެހިލައިފިއެވެ.
ލިވަޕޫލް ލީގުގެ އެއްވަނައިގައި އޮތީ 71 ޕޮއިންޓާއެކީ ގައެވެ.މި މެޗުން ބަލިވި ޓޮޓެންހަމް އޮތީ 56 ޕޮއިންޓާއެކީ ލީގުގެ 5 ވަނައިގައެވެ.
ލިވަޕޫލްގެ ދަނޑުގައި ކުޅުނު މި މެޗުގައި ލިވަޕޫލްއިން ޖެހި ފުރަަތަމަ ގޯލަކީ މެޗުގެ 2 ވަނަ މިނެޓްގައި ޓޮޓެންހަމްގެ ޑިފެންޑަރ ޔޫނުސް ކަބޫލް އަތުން ބައިކޮޅަށް ވަތް ގޯލެކެވެ. ލިވަޕޫލްގެ ދެވަނަ ގޯލް މެޗުގެ 25 ވަނަ މިނެޓްގައި ކާމިޔާބުކޮށްދިނީ އެޓީމުގެ ފޯވާޑް ލުއިސް ސުއަރޭޒްއެވެ.މިއީ ސުއަރޭޒް ލީގުގައި ކާމިޔާބުކުރި 29 ވަނަ ގޯލެވެ.
ލިވަޕޫލްގެ ތިންވަނަ ގޯލް މެޗުގެ 55 ވަނަ މިނެޓްގައި ކާމިޔާބުކޮށްދިނީ އެޓީމުގެ ހުނަރުވެރި ވިންގަރ ކޫޓީނިއޯއެވެ.ލިވަޕޫލްގެ ހަތަރުވަނަ ގޯލް މެޗުގެ 75 ވަނަ މިނެޓްގައި ކާމިޔާބުކޮށްދިނީ އެޓީމުގެ ޒުވާން މިޑްފިލްޑަރ ޖޯޑަން ހެންޑަސަންއެވެ.
މިރޭ ލީގުގައި އެވަންޓަން އާއި ފުލަމް ބައްދަލުކުރި މެޗު 1-3 ގެ ނަތީޖާއަކުން ކާމިޔާބުކުރި އެވަޓަންއިންނެވެ.
މި މޮޅާއެކު އެވަޓަން އޮތީ 60 ޕޮއިންޓާއެކީ ލީގުގެ 5 ވަނައިގައެވެ.މި މެޗުން ބަލިވި ފުލަމް އޮތީ 24 ޕޮއިންޓާއެކީ ލީގުގެ އެންމެ ފުލުގައެވެ.
ފުލަމްގެ ދަނޑުގައި ކުޅުނު މި މެޗުގެ ފުރަތަމަ ގޯލްޖަހާ ލީޑްނެގީ އެވަޓަންއިންނެވެ.މި ގޯލަކީ މެޗުގެ 50 ވަނަ މިނެޓްގައި ފުލަމްގެ ކުޅުންތެރިއެއް އަތުން ބައިކޮޅަށް ވަތް ގޯލެކެވެ. މެޗުގެ 71 ވަނަ މިނެޓްގައި ފުލަމްގެ ޑެޖާގާ ވަނީ ގޯލެއްޖަހާ މެޗުގެ ނަތީޖާ އެއްވަރުކޮށްފައެވެ.މެޗުގެ 79 ވަނަ މިނެޓްގައި އެވަޓަންގެ ފޯވާޑް މިރާލާސް ވަނީ އެވަޓަންއަށް މި މެޗުގައި ދެވަނަ ފަހަރަށް ލީޑްނަގާދީފައެވެ.އެވަޓަންގެ ލީޑް ފުޅާކޮށްދިނީ 87 ވަނަ މިނެޓްގައި ނެއިސްސްމިތްއެވެ.