ނ. މަފަރު އިންޓަނޭޝަނަލް އެއާޕޯޓްގައި ކޮވިޑް-19 އަށް ޓެސްޓް ކުރެވޭނެ ޕީސީއާރު ލެބެއް ގާއިމުކޮށްފި އެވެ.
މާފަރު އެއާޕޯޓުގައި ކޮވިޑަށް ޓެސްޓު ކުރާނެ ލެބެއް ގާއިމް ކުރަނީ ސޮނޭވާގެ ހަރަދުގައެވެ. އެ މަސައްކަތް ކޮށްފައިވަނީ އޭޑީކޭ ޓްރޭޑް އެންޑް ޝިޕިންގެ ފަރާތުންނެވެ.
އެ ކުންފުނިން ބުނީ މާފަރު އެއާޕޯޓުގައި ގާއިމްކުރި ޕީސީއާރު ލެބުގެ މަސައްކަތް ނިންމާލާފައިވާ ކަމަށެވެ. ލެބް މިހާރު ޓެސްޓުތަކަށް ތައްޔާރުވެފައިވާ ކަމަށްވެސް އޭޑީކޭ ޓްރޭޑްއިން ބުންޏެވެ.
އެގޮތުން މި މަޝްރޫއުއަށް ބޭނުންވާ ސާމާނު ގެނައުމާއި، ތަނުގެ އިމާރާތުގެ އިތުރުން، އެތަކެތި އިންސްޓޯލްކޮށް، ސެޓަޕް ހެދުމަށް 30 ދުވަސް ހޭދަވެފައިވާކަމަށް އެ ކުންފުނިން ބުންޏެވެ.
ކޮވިޑް19ގެ އާ އާންމު ހާލަތުގައި ރާއްޖޭގެ ބޯޑަރުތައް ހުޅުވާލާއިރު، ނ. މާފަރު އިންޓަނޭޝަނަލް އެއާޕޯޓުގައި ކޮވިޑަށް ޓެސްޓުކުރާ ލެބެއް ގާއިމްކުރުމުގެ މަސައްކަތް ކުރަމުންދާ ކަމަށް އެ އެއާޕޯޓު ހިންގާ އައިލެންޑް އޭވިއޭޝަނުން ހާމަކުރީ ރައްޔިތުންގެ މަޖިލީހުގެ ސްޓޭޓް އޯންޑް އެންޓަޕްރައިޒް ކޮމެޓީގައި، ޖޫން 17 ވަނަ ދުވަހުއެވެ.