ފެނަކައިގެ މުވައްޒަފުން ރަސްމީ ގަޑީގައި މަސައްކަތްތައް ނިންމައި އިތުރު ގަޑީގައި ހުއްދަ ލިބިގެން ނޫނީ މަސައްކަތް ނުކުރުމަށް އެ ކުންފުނިން އަންގައިފި އެވެ.ފެނަކައިގެ މެނޭޖިން ޑިރެކްޓަރު އަހުމަދު ސައީދު މުހައްމަދު ސޮއިކުރައްވައި، ކުންފުނީގެ މުވައްޒަފުންނަށް ފޮނުއްވި ސާކިއުލާގައި ވަނީ މިއަދުން ފެށިގެން ވަކި ގޮތެއް އަންގަންދެން ދުވަހުން ދުވަހަށް ކުރަންޖެހޭ ހުރިހާ މަސައްކަތްތައް ރަސްމީ ގަޑީގައި ނިންމުމަށް އަންގަވައިފަ އެވެ.ފެނަކައިގެ ރަސްމީ ގަޑިއަކީ ހެނދުނު 08:00 އިން މެންދުރުފަހު 15:00އެވެ.ރަސްމީ ގަޑީގެ އިތުރުން ބްރާންޗްތަކާއި ޑިޕާޓްމަންޓްތަކުން ނުވަތަ މުވައްޒަފުން މަސައްކަތް ކުރަން ޖެހޭނީ އެކަމަށް ހާއްސަ ހުއްދައެއް ނަގައިގެން ކަމަށް ވެސް އެ ސާކިއުލާގައި ބުނެފައިވެއެވެ.ރާއްޖޭގެ 154 ރަށަކަށް ކަރަންޓުގެ ހިދުމަތްދޭ، އެ ކުންފުނީގައި 3،000 އަށް ވުރެ ގިނަ މުވައްޒަފުން މަސައްކަތް ކުރެ އެވެ.