ކޮވިޑް-19: ރާއްޖެ އިން އިތުރު 25 މީހަކު ފައްސިވެއްޖެ

ރާއްޖެ އިން އިތުރު 25 މީހަކު ކޮވިޑް-19 އަށް ފައްސިވެއްޖެއެވެ.
ކޮވިޑް-19 އަށް ފައްސިވި މީހުންގެ ތެރޭގައި 19 ދިވެހިން ހިމެނެއެވެ. ދެން ހިމެނެނީ ބަންގްލަދޭޝްގެ ހަތަރު މީހަކާއި އިންޑިއާ މީހަކާއި ނޭޕާލް މީހެކެވެ.
މިއަދު 18:00 އާއި ހަމައަށް ފާއިތުވި 24 ގަޑިއިރުގެ ތެރޭގައި ރާއްޖެ އިން ކޮވިޑް-19 އަށް ފައްސިވި މީހުންނާއި އެކު ރާއްޖެ އިން ބަލި ޖެހުނު މީހުންގެ ޖުމްލަ އަދަދު މިހާރު ވަނީ 2435 އަށް އަރާފައެވެ.
އިތުރު 25 މީހަކު ކޮވިޑް-19 އަށް ފައްސިވިކަން މިރޭ އިއުލާން ކުރި ނަމަވެސް ވަކިވަކި ދުވަސްތަކުގައި ފައްސިވި މީހުންނަށް ބަލާއިރު ހޮނިހިރު ދުވަހު ފައްސިވެފައި ވަނީ ތިން މީހުންނެވެ. މިއަދަދަށް މާދަމާ ބަދަލު އައުން ގާތެވެ. ހުކުރު ދުވަހު 15 މީހަކު ފައްސިވި ކަމަށް މިހާރު ހެލްތު މިނިސްޓްރީގެ ވެބްސައިޓުން ދައްކައެވެ. އަދި ބުރާސްފަތި ދުވަހު 14 މީހަކު ފައްސިވި ކަމަށް ވެސް ވެބްސައިޓުން ދައްކައެވެ.
ރާއްޖެ އިން ކޮވިޑް-19 ޖެހުނު މީހުންގެ ތެރެއިން އިތުރު 54 މީހަކު މިއަދު ވަނީ ބަލިން ރަނގަޅު ވެފައެވެ.
މިއަދަކީ ފަހަކަށް އައިސް ރާއްޖެ އިން އެންމެ ގިނަ މީހުން ބަލިން ރަނގަޅުވި ދުވަހެވެ. ރާއްޖެ އިން ކޮވިޑް-19 ޖެހުނު މީހުންގެ ތެރެއިން 2030 މީހަކު މިހާރު ވަނީ ބަލިން ރަނގަޅު ވެފައެވެ. އެހެންކަމުން މިހާރު ރާއްޖޭގައި ކޮވިޑް-19 ޖެހިފައި ތިބީ 390 މީހުންނެވެ.
އަރުޝީފަށް ނެގީ
އެންމެފަހުން އަޕްޑޭޓްކުރީ