ރާއްޖޭގެ ދަތުރުފަތުރުގެ ދާއިރާ ކުރިއެރުވުމަށް ޓްރާންސްޕޯޓް މިނިސްޓަރު މުހައްމަދު އަމީން ދިވެހިރާއްޖެއަށް ކަނޑައަޅުއްވާފައި ހުންނަވާ އެމެރިކާގެ އެމްބަސެޑަރ އާއެކު މަޝްވަރާ ކުރައްވައިފިއެވެ.
ދިވެހިރާއްޖެއަށް
ކަނޑައަޅުއްވާފައި ހުންނަވާ އެމެރިކާގެ އެމްބަސެޑަރ މިސްޓަރ
ހިއުގޯ ޔޮންއާ އާއި ޓްރާންސްޕޯޓް މިނިސްޓަރު މުހައްމަދު އަމީންގެ ބައްދަލުކުރެއްވުމުގައި ދެ ފަރާތުން މުހިއްމު
މަޝްވަރާތަކެއް ކުރެއްވިއެވެ.
އެގޮތުން، މި ބައްދަލުވުމުގައި ދެ
ފަރާތުން މަޝްވަރާކުރެއްވި މައިގަނޑު މަޢުޟޫޢުތަކުގެ ތެރޭގައި ދަތުރުފަތުރުގެ
ދާއިރާ ކުރިއެރުވުމާއި، އުމްރާނީ ތަރައްޤީގެ މަޝްރޫޢުތައް ތަންފީޛުކުރުމާއި، އަދި
އެހެނިހެން އިޤްތިޞާދީ އަދި އިޖްތިމާޢީ ދާއިރާތަކުން ދެ ޤައުމުގެ މެދުގައި އެއްބާރުލުން
އިތުރުކުރުމުގެ މުހިންމުކަން ހިމެނެއެވެ.
މީގެއިތުރުން މުސްތަޤުބަލުގައި
ދެ ޤައުމުގެ ގުޅުން އިތުރަށް ބަދަހިކުރުމަށް މަސައްކަތް ކުރުމުގެ މުހިންމުކަމާ
މެދުވެސް މަޝްވަރާ ކުރެއްވިއެވެ.
ހަމަމިއާއެކު، މި
ބައްދަލު ކުރެއްވުމުގައި ދެ ފަރާތުން ފާހަގަކުރެއްވި ގޮތުގައި، ދެ ޤައުމުގެ
ދެމެދުގައި އޮތް ގުޅުން އިތުރަށް ވަރުގަދަކޮށް، މުސްތަޤުބަލުގައި އިތުރު
ގުޅުންތައް ޤާއިމުކުރުމަށް މަސައްކަތްކުރުމަކީ މުހިންމު ކަމެކެވެ.