ކޮވިޑު-19 އަށް ޕޮޒިޓިވްވީ މީހުންގެ ތެރެއިން 69 މީހަކަށް ފަރުވާދެމުން އަންނަ އިރު އޭގެ ތެރެއިން ހަތަރު މީހަކު އައިސީޔޫގައި އަދި އެކަކު ވެންޓިލޭޓަރުގައި ފަރުވާ ދެމުން އަންނަ ކަމަށް ހެލްތު ޕޮރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
އެޗްއީއޯސީން ބޭއްވި ނޫސްވެރިންގެ ބައްދަލްވުމުގައި އެ ސެންޓަރުގެ ތަރުޖަމާން ޑރ. ނަޒްލާ ރަފީގު ވިދާޅުވީ ކޮވިޑު-19 ޖެހިފައިވާ މީހުންގެ ތެރެއިން 69 މީހަކު އެޑްމިޓުކޮށްގެން ފަރުވާ ދެމުން އަންނަ ކަމަށެވެ. އޭގެ ތެރެއިން އެކަކަށް ފަރުވާ ދެމުން އަންނަނީ ވެންޓިލޭޓަރުގައެވެ.
މީގެ އިތުރުން ދަރުމަވަންތަ ހޮސްޕިޓަލްގެ 11 ވަނަ ފްލޯގެ އައިސީޔޫގައި 4 މީހަކަށް ފަރުވާ ދެމުން އަންނަ ކަމަށެވެ. އަދި ދަރުމަވަންތަ ހޮސްޕިޓަލްގެ 16 ވަނަ ފްލޯގައި ދެ މީހަކަށް ފަރުވާ ދެމުން އަންނަ ކަމަށެވެ.
ހުޅުމާލޭގައި ހުންނަ ކޮވިޑު ފެސިލިޓީގައި 38 މީހަކަށް ފަރުވާ ދެމުން އަންނަ އިރު ގއ. ވިލިގިލީ ކޮވިޑް ފެސިލިޓީގައި ފަސް މީހަކަށް އަދި ގަން ކޮވިޑް ފެސިލިޓީގައި ހަތަރު މީހަކަށް ދަނީ ފަރުވާ ދެމުންނެވެ.