ތިން އަހަރަށްވުރެ ގިނަ ދުވަސް ފަހުން މޮރޮކޯގެ ކޯޗު ފްރާންސްގެ ހާވް ރެނާޑް މަޤާމުން އިސްތިއުފާ ދީފި އެވެ.
ރެނާޑް އިސްތިއުފާ ދިނީ ދާދިފަހުން މިސްރުގައި ނިމުނު އެފްރިކަން ކަޕްގެ ދެ ވަނަ ބުރުން ބެނިން އަތުން ބަލިވުމުން ނެވެ. ނަމަވެސް އޭނާ ވަނީ ޒެމްބިއާގެ އިތުރުން އައިވަރީ ކޯސްޓަށް އެފްރިކާ ކަޕް ކާމިޔާބުކޮށްދީފަ އެވެ.
ފްރާންސް އަށް އުފަން އުމުރުން 50 އަހަރުގެ ރެނާޑް އެފްރިކާގެ ޓީމަކަށް ފުރަތަމަ ހަވާލުވީ 2008 ވަނަ އަހަރުގައެވެ. އެގޮތުން ރެނާޑް ފުރަތަަމަ ކޯޗުކަންކޮށްދިނީ ޒެމްބިއާ އަށެވެ. ފުރަތަމަ ހަތަރު އަހަރުގައި ރެނާޑް އެހާ ފާހަގަ ނުކުރެވުނު ކަމުގައި ވިޔަސް އޭގެ ފަހުގައި ރެނާޑް ފާހަގަ ކުރެވެނީ އެފްރިކާގެ ޤައުމުތަކަށް ތާރީހީ ކާމިޔާބީ ހޯދައިދިން ކޯޗަކަށެވެ.