ޕަބްލިކް ސާވިސް މީޑިއާ (ޕީއެސްއެމް) ގެ މެނޭޖިން ޑިރެކްޓަރު އިބްރާހިމް ނަސްރީން މިއަދު އިސްތިއުފާ ދެއްވައިފި އެވެ.ނަސްރީނަކީ މި ސަރުކާރުގައި ޕީއެސްއެމަށް އައްޔަން ކުރެއްވި ތިން ވަނަ އެމްޑީ އެވެ. ކުރިން އެ މަގާމު ފުރުއްވީ ޒީނާ ޒާހިރާއި މުހައްމަދު ސައީދެވެ. އެ ދެ ބޭފުޅުން ވެސް އެކި ސަބަބުތަކާ ހެދި ވަކި ހިސާބަކުން އެމްޑީގެ މަގާމުން އިސްތިއުފާ ދެއްވީ އެވެ.ނަސްރީން އެމްޑީގެ މަގާމަށް ހަމަޖެއްސީ އެ މަގާމުގައި ޒީނާގެ ފަހުން ހުންނެވި މުހައްމަދު ސައީދު އިސްތިއުފާ ދިނުމާ ގުޅިގެން ޑިސެމްބަރު 2024، ގަ އެވެ. ޕީއެސްއެމްގެ އެމްޑީގެ މަގާމަށް އައްޔަން ކުރެއްވުމުގެ ކުރިން އެންމެ ފަހުން އޭނާ ހުންނެވީ ޕީއެސްއެމްގެ ސޭލްސް އެންޑް މާކެޓިން ޑިރެކްޓަރަކަށެވެ.