މިއަދު ހެނދުނު 10:00 އިން ފެށިގެން މެންދުރު 14:00 އަށް ކުރިއަށް ދިޔަ ޕީއެންސީގެ އެތެރޭގެ އިންތިހާބަކީ މިހާތަނަށް ރާއްޖޭގެ ތާރީހުގައި ޕާޓީއެއްގެ އެތެރޭގައި ބޭއްވި އެންމެ ބޮޑު އިންތިހާބެވެ.
ވެރިކަންކުރާ ޕީއެންސީގެ އެތެރޭގެ އިންތިހާބުގައި ކާމިޔާބު ހޯދި ކެންޑިޑޭޓުންނަށް ޕާޓީގެ ރައީސް / ރައީސުލްޖުމްހޫރިއްޔާ ޑރ. މުހައްމަދު މުއިއްޒު މަރުހަބާ ދަންނަވައިފި އެވެ.
މިއަދު ހެނދުނު 10:00 އިން ފެށިގެން މެންދުރު 14:00 އަށް ކުރިއަށް ދިޔަ ޕީއެންސީގެ އެތެރޭގެ އިންތިހާބަކީ މިހާތަނަށް ރާއްޖޭގެ ތާރީހުގައި ޕާޓީއެއްގެ އެތެރޭގައި ބޭއްވި އެންމެ ބޮޑު އިންތިހާބެވެ. އެކްސްގައި ކުރެއްވި ޕޯސްޓެއްގައި ރައީސް ވަނީ އިންތިހާބުގައި ކާމިޔާބު ހޯދި ކެންޑިޑޭޓުންނަށް މަރުހަބާ ދަންނަވާފަ އެވެ. އަދި މަގާމުތަކަށް ވާދަކުރި ކެންޑިޑޭޓުންނާއި އިންތިހާބުގެ އިންތިޒާމުތަކުގައި އުޅުނު މެންބަރުންނާއި ވޯޓްލީ އާންމު މެންބަރުންނަށް ރައީސް ވަނީ ޝުކުރު ދަންނަވާފަ އެވެ.ޕީއެންސީން ބުނި ގޮތުގައި މި އިންތިހާބުގައި އެ ޕާޓީގެ ދާއިރާތަކުގެ ތެރެއިން މަޖިލީހުގެ މެންބަރުން ނެތް ދާއިރާތަކަށް ދާއިރާތަކުގެ ރައީސުންނާއި، ހުރިހާ ދާއިރާއެއްގެ ނައިބުރައީސުންނާއި ޒުވާނުންގެ ރައީސުންނާއި އަންހެނުންގެ ރައީސުން ވަނީ އިންތިހާބު  ކޮށްފަ އެވެ. އޭގެ އިތުރަށް ހުރިހާ ރަށެއްގައި އަދި ސިޓީތަކުގެ ހުރިހާ ދާއިރާތަކެއްގެ ސްޓިއަރިން ކޮމިޓީތަކަށް މެންބަަރުން އިންތިހާބު ކޮށްފައިވެ އެވެ.މި އިންތިހާބު ގައި 667 ކެންޑިޑޭޓުން ވާދަ ކުރި އެވެ. މިއަދު އިންތިހާބުގައި ވޯޓުލުން ކުރިއަށް ދިޔައީ މާލެ ހިމެނޭހެން 95 ރަށެއްގަ އެވެ. މާލޭގައި ދަރުބާރުގޭގައި ބަހައްޓާފައިވާ 56 ފޮށީގެ އިތުރަށް ރަށްރަށުގައިވެސް ފޮށިތައް ބަހައްޓާފައިވެ އެވެ.  އެ ޕާޓީން ބުނާ ގޮތުގައި މި އިންތިހާބުގެ މައިގަނޑު އަމާޒަކީ ލާމަރުކަޒީ އުސޫލުން، ޕާޓީގެ އާންމު މެންބަރުންގެ ބައިވެރިވުމާއި ޝާމިލުވުމާއެކު ޕާޓީ ހިންގައި، ރަށްރަށާއި ދާއިރާތަކުގެ ލެވެލްގައި ޕާޓީގެ ހަރަކާތްތައް ހިންގާނެ ލީޑާޝިޕު އިންތިހާބުކުރުމެވެ. މި އިންތިހާބު ނިމި ދާއިރާތަކާއި ރަށްރަށުގައި ޕާޓީގެ ހަރަކާތްތައް އިންތިޒާމުކޮށް ހިންގާނެ މީހުން ކަނޑައެޅުމުން ލާމަރުކަޒީ ގޮތެއްގައި ޕާޓީ ހިންގަން ފެށޭނެ ކަމުގައި އެ ޕާޓީން ދެކެ އެވެ.  ޕީއެންސީން ބުނެފައިވަނީ މި އިންތިހާބުގެ ތެރެއިން މުސްތަގުބަލުގައި އެ ޕާޓީގެ ލީޑަރުންގެ ގޮތުގައި ހަރަކާތްތެރިވެވަޑައިގަންނަވާނެ ބޭފުޅުން އުފެދިގެންދާނެ އެވެ.  
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ