އިތުރަށް އަބްދުއްރަހީމު ވިދާޅުވީ ލިބިފައިވާ ފޯމުތަކުގެ ބޮޑު ބައެއް މިހާރު ޕާޓީގެ އެތެރޭގެ ދަފުތަރުގައި ދަފުތަރުކުރެވިފައިވާ ކަމަށެވެ. އެގޮތުން 75،000 ފޯމު މިހާރު ޕާޓީގެ އެތެރޭގެ ދަފުތަރުގައި ހިމެނިފައިވާ ކަމަށެވެ.
ޕީޕަލްސް ނޭޝަނަލް ކޮންގުރެސް (ޕީއެންސީ)އާ އަލަށް ގުޅުމަށް 97،000 އެއްހައި މީހުން ފޯމު ހުށަހަޅާފައިވާކަމަށް އެ ޕާޓީގެ ޗެއާޕާސަން އަބްދުއްރަހީމް އަބްދުﷲ ވިދާޅުވެއްޖެ އެވެ. 
މިއަދު ކުރިއަށްދާ ޕީއެންސީގެ އެތެރޭގެ އިންތިހާބުގެ ވޯޓުލުން ކުރިއަށްދާ ދަރުބާރުގޭ ސަރަހައްދަށް ވޯޓުލުން ކުރިއަށްދާ ގޮތް ބައްލަވައިލެއްވުމަށް ވަޑައިގެންނެވުމަށްފަހު މީޑިޔާއަށް ދެއްވި ބަސްދީގަތުމެއްގައި ވިދާޅުވީ އެ ޕާޓީއަށް 97،000 ސައްހަ ފޯމު ލިބިފައިވާ ކަމަށެވެ. 
އިތުރަށް އަބްދުއްރަހީމު ވިދާޅުވީ ލިބިފައިވާ ފޯމުތަކުގެ ބޮޑު ބައެއް މިހާރު ޕާޓީގެ އެތެރޭގެ ދަފުތަރުގައި ދަފުތަރުކުރެވިފައިވާ ކަމަށެވެ. އެގޮތުން 75،000 ފޯމު މިހާރު ޕާޓީގެ އެތެރޭގެ ދަފުތަރުގައި ހިމެނިފައިވާ ކަމަށެވެ. 
އެހެންނަމަވެސް އިލެކްޝަންސް ކޮމިޝަނުގެ ދަފުތަރުގައި މެންބަރުން ރަޖިސްޓްރީކުރުމަށް އޮންނަ އުސޫލުގެ ސަބަބުން އިލެކްޝަންސްގެ ދަފުތަރު އަދާހަމަވަނީ ހަފުތާއަކު އެއްފަހަރު ކަމުގައި އަބްދުއްރަހީމް ވިދާޅުވި އެވެ. 
އަބްދުއްރަހީމް ފާހަގަކުރެއްވި ގޮތުގައި ޕީއެންސީގެ އަމާޒަކީ އެއްލައްކަ މެންބަރުން ޕާޓީއަށް ހަމަކުރުމެވެ. އަދި ރައީސް ޑރ.މުހައްމަދު މުއިއްޒަށް އޮތް ތާއީދު އިތުރުވަމުންދާ މިންވަރަށް ބަލާއިރު އެ އަމާޒު ހާސިލުކުރެވޭނެ ކަމުގައި އޭނާ ވިދާޅުވި އެވެ. 
ރައީސް މުއިއްޒުގެ އިރުޝާދުގެ ދަށުން ޕީއެންސީން އަންނަނީ އެ ޕާޓީއަށް މެންބަރުން އިތުރުކުރުމަށް ބޮޑެތި ހަރަކާތްތަކެއް ރާއްޖޭގެ ހުރިހާ ހިސާބެއްގައި ހިންގަމުންނެވެ. ކޮންމެ ހަފުތާއަކުވެސް ގިނަ އަދަދެއްގެ ފޯމު ފުރައި ޕާޓީ އޮފީހަށް އެއްކުރަމުންދެ އެވެ. 
މި މަސައްކަތުގައި ރައީސްގެ އަމާޒަކީ ރާއްޖޭގައި އޮތް އެންމެ ބޮޑު ސިޔާސީ ޕާޓިއަކީ ޕީއެންސީކަމަށް ހެއްދެވުމެވެ. 
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ