ރައްޔިތުން ކުރެއްވި އިތުބާރު، އަމާނާތްތެރިކަމާއެކު، ނަތީޖާއިން އަދާކޮށްދޭނަން: ޑރ. މުއިއްޒު

ރައްޔިތުން ކުރެއްވި އިތުބާރު، އަމާނާތްތެރިކަމާއެކު، ނަތީޖާއިން އަދާކޮށް ދެއްވާނެ ކަމަށް މާލެ ސިޓީ ކައުންސިލަށް ހޮވިވަޑައިގެންނެވި ޑރ. މުހައްމަދު މުއިއްޒު ވިދާޅުވެއްޖެއެވެ.
ޑރ. މުއިއްޒު މިފަދައިން ވިދާޅުވީ އެ މަނިކުފާނު މާލޭގެ މޭޔަރު ކަމަށް ހޮވިވަޑައިގަތުމުން ވޯޓު ދެއްވި ފަރާތްތަކަށް ޝުކުރު އަދާކުރުމުގެ ގޮތުން ކުރެއްވި ޓްވީޓެއްގައެވެ.
الحمد للهMale ge rayyithunge kurimagu battankurumugai natheeja neredheveyne kamuge yageenkan alhugandaamedhu oikkan Male rayyithun haamakohdhevveethee ikhlaastherikamaa eku shukuru dhannavan. Rayyithun kurevvi ithubaaru, amaanaaitherikamaa eku, natheejaain adhaakohdheynan IA
— Dr Mohamed Muizzu (@MMuizzu) April 11, 2021
"އަލްޙަމްދުލިއްލާހި. މާލޭގެ ރައްޔިތުންގެ ކުރިމަގު ބައްޓަން ކުރުމުގައި ނަތީޖާ ނެރެދޭނެ ކަމުގެ ޔަޤީންކަން އަޅުގަނޑާއިމެދު އޮތްކަން މާލޭ ރައްޔިތުން ހާމަކޮށްދެއްވީތީ އިޙްލާޞްތެރިކަމާއެކު ޝުކުރު ދަންނަވަން. ރައްޔިތުން ކުރެއްވި އިތުބާރު އަމާނާތްތެރިކަމާއެކު ނަތީޖާއިން އަދާކޮށްދޭނަން އިންޝާﷲ." ޑރ. މުއިއްޒު ވިދާޅުވިއެވެ.
އިއްޔެ ބޭއްވި ކައުންސިލް އިންތިހާބު އެމްޑީޕީ ކެންޑިޑޭޓު އަނަސް އަބްދުއްސައްތާރާ ވާދަކޮށް މުއިއްޒު ވަނީ ކާމިޔާބުކުރައްވައިފަ އެވެ. މުއިއްޒު ކެމްޕެއިންގެ އެންމެ ބޮޑު ވައުދަކީ މާލޭ ރައްޔިތުނަށް ދިމާވެފައިވާ ބޯހިޔާވަހިކަމުގެ މައްސަލައަށް ހައްލު ހޯދުމަށް ރައްޔިތުން ގެދޮރުވެރިކުރުމެވެ.
އަރުޝީފަށް ނެގީ
އެންމެފަހުން އަޕްޑޭޓްކުރީ