ނަޝީދު ޑިކްޓޭޓަރަކަށް ވެއްޖެ: ޖަމީލް

ރައްޔިތުންގެ މަޖިލީހުގެ ރައީސް މުހައްމަދު ނަޝީދު ފުރިހަމަ ޑިކްޓޭޓަރަކަށް ވެ ނިމިއްޖެ ކަމަށް ކުރީގެ ނައިބް ރައީސް ޑރ. މުހައްމަދު ޖަމީލް އަހުމަދު ވިދާޅުވެއްޖެ އެވެ.
ޑރ. ޖަމީލް ކުރެއްވި ޓުވީޓެއްގައި ވިދާޅުވީ ޖިނާއީ ތަހުގީގުތައް ރައްޔިތުންގެ މަޖިލީހުގެ ދަށަށް ގެންގޮސްފައިވާ ކަަމަށެވެ. ޖުޑީޝަލް ސާވިސް ކޮމިޝަނުން ކޯޓުތަކުގެ ހިންގުމުގެ ނިޒާމުގެ ތެރެއަށް ވަދެ ރާއްޖޭގެ އިސްލާހީ މަސައްކަތް ކިލަނބުކޮށް، ސިޔާސީ ޝިކާރައަކަށް ހަދާފައިވާ ކަމަށް ވެސް ޖަމީލް ވިދާޅުވި އެވެ.
"ޕޮލިސް ކޮމިޝަނަރާއި، ބޮޑު ފަނޑިޔާރު މަނިކުފާނަކީ ވެސް މަޖިލިސް ރައީސަށް ވުމުން ފުރިހަމަ ޑިކްޓޭޓާ އަކަށް ވެ ނިމުނީ،" ޖަމީލް ވިދާޅުވި އެވެ.
ޖަމީލް ވިދާޅުވީ ކުށްތަކުުގެ ގޮތުގައި ދެން ތަހުގީގުކުރާނީ ވެސް ރައްޔިތުންގެ މަޖިލީހުންނާއި ޕާޓީގެ އެކްޓިވިސްޓުން ބޭނުންވާ ވަކި ކުށްތަކެއް އެކަނި ކަމަށެވެ. ވަކި ކުށެއް ކުށަކަށް ނުވާ މަންޒަރު ފޮޓޯތަކުން ފެންނަން ފަށާފައިވާ ކަމަށް ވެސް ޖަމީލް ވިދާޅުވި އެވެ.
Majlisge baaruge dhashah jinaaee thahqeeqthah gengos, JSC in court thakuge hingumuge nizaamah vadhe, Raajjeyge islaahee massahkaiy mulhin kilambu koh siyaasee shikaara akah hadhaifi. Dhen thahqeeq ves kuraanee Majlis Raees aai e party activistun edhey kanthah ekani. 1/2 pic.twitter.com/n36KJDT0Gn— Mohamed Jameel Ahmed (@MJameelAhmed) July 1, 2020
ހުޅުމާލެ ފަޅުގައި އަޅާފައި އޮތް ސަފާރީއެއްގައި ކެންޔާ އަންހެނަކަށް ޖިންސީ ގޯނާ ކުރި މައްސަލައެއް ފެންމަތިވެފައި ވާއިރު އެ މައްސަލަ ހިނގައިދިޔަގޮތް ރައްޔިތުންގެ މަޖިލީހުން ވަނީ ބަލަން ފަށައިފަ އެވެ.
މި މައްސަލައިގެ ތަހުގީގުތައް ނުނިމެނީސް ރައްޔިތުންގެ މަޖިލީހުން މައްސަލައިގެ ތެރެއަށް ވަދެ މައްސަލަ ބަލަމުންދާތީ ގިނަ ބަޔަކު ވަނީ މަޖިލީހުން ނުފޫޒު ފޯރުވަނީ ކަމަށް ބުނެ ކަންބޮޑުވުން ފާޅުކޮށްފަ އެވެ. އިދިކޮޅު ޕީޕީއެމް ޕީއެންސީން ވެސް ކަންބޮޑުވުން ފާޅުކޮށްފައިވާއިރު ބާ ކައުންސިލުން ވެސް ވަނީ ކަންބޮޑުވުން ފާޅުކޮށްފަ އެވެ.
އަރުޝީފަށް ނެގީ
އެންމެފަހުން އަޕްޑޭޓްކުރީ