އަންނަ އާދިއްތަ ދުވަހާއި ހޯމަ ދުވަހު ބ.އަތޮޅު ރައްޔިތުންނަށް ޚާއްސަކޮށްގެން ބ.އަތޮޅު ހޮސްޕިޓަލުގައި މެޑިކަލް ކޭމްޕެއް ބޭއްވުމަށް ހަމަޖެހިފައިވާ ކަމަށް އެ ހޮސްޕިޓަލުން ހާމަ ކޮށްފިއެވެ.
ހޮސްޕިޓަލުން ބުނީ އެ ދެ ދުވަހު ހަމުގެ ބަލިތަކަށް ޚާއްސަ ޑޮކްޓަރު ، ޑރ. އާމިރު އިސްމާއީލް އާއި ނަފްސާނީ ބަލިތަކަށް ފަރުވާ ދޭ ޚާއްސަ ޑޮކްޓަރު، ޑރ. މަހުމޫދު މުހައްމަދު ބ.އަތޮޅު ހޮސްޕިޓަލުގައި  ބަލި މީހުންނަށް ފަރުވާ ދެއްވާނެކަމަށެވެ.
މި ޑޮކްޓަރުންނަށް ދެއްކެވުމަށް އެޕޮއިންޓްމަންޓް ހެއްދެވުމުގެ ފުރުސަތު ހުޅުވާލާފައިވަނީ މިއަދު މެންދުރު 2:00އިން ފެށިގެންނެވެ. އެޕޮއިންޓްމަންޓް ހެއްދެވުމަށް ގުޅުއްވާނީ 6608309 އަށެވެ.