ދައުލަތުގެ މީޑިއާ ޕީއެސްއެމްގެ މެނޭޖިން ޑިރެކްޓަރުގެ މަގާމުގައި ހުންނެވި އިބްރާހީމް ނަސްރީން އެ މަގާމުން އިސްތިއުފާ ދެއްވައިފިއެވެ.
އޭނާ އެ މަގާމުން އިސްތިއުފާ ދެއްވި ސަބަބެއް ސާފެއް ނުވެއެވެ.
'ދަ ޕްރެސް' އަށް މައުލޫމާތު ދެއްވަމުން ނަސްރީން ވިދާޅުވީ، އޭނާ ޕީއެސްއެމްގެ އެމްޑީގެ މަގާމުން އިސްތިއުފާ ދެއްވާފައިވާ ކަމަށެވެ. ސަރުކާރުގެ އިސް މަގާމެއް ލިބިފައި ނުވާ ކަމަށް ވެސް އޭނާ ވިދާޅުވިއެވެ. ނަމަވެސް އެ މަގާމުން އޭނާ އިސްތިއުފާ ދެއްވި ސަބަބު ހާމައެއް ނުކުރައްވައެވެ.
ނަސްރީން ޕީއެސްއެމްގެ މެނޭޖިން ޑިރެކްޓަރަށް އައްޔަނު ކުރީ، އެ މަގާމުގައި ކުރިން ހުންނެވި މުހައްމަދު ސައީދު މިދިޔަ އަހަރުގެ ޑިސެމްބަރު 19 ގައި އިސްތިއުފާ ދެއްވުމުންނެވެ. އޭގެ ކުރިން އެ މަގާމުގައި ހުންނެވި ޒީނާ ޒާހިރު ވެސް މެނޭޖިން ޑިރެކްޓަރުކަން ކުރެއްވީ ކުރު މުއްދަތަކަށެވެ. އެގޮތުން މިދިޔަ އަހަރުގެ އޮގަސްޓު މަހުގެ 24ގެ ޒީނާ ވަނީ މަގާމުން އިސްތިއުފާ ދެއްވާފައެވެ.
ނަސްރީނަކީ ޕީއެސްއެމްގައި 20 އަހަރަށް ވުރެ ގިނަ ދުވަހު ހިދުމަތް ކުރެއްވި ބޭފުޅެކެވެ. ގްރެފިކްސްގެ ދާއިރާއިން މަސައްކަތް ފެއްޓެވި ނިސްރީން އެކި މަގާޟުތައް ފުރުއްވާފައި ވާއިރު ޕީއެސްއެމްގެ ކޮމާޝަލް ހެޑްއަކަށް ވެސް އޭނާ ހުންނެވިއެވެ.
މި ސަރުކާރުން ޕީއެސްއެމަށް ހޮވި 3 ވަނަ އެމްޑީ ވެސް އިސްތިއުފާ ދެއްވައިފި
އަރުޝީފަށް ނެގީ
އެންމެފަހުން އަޕްޑޭޓްކުރީ
އެންމެފަހުން އަޕްޑޭޓްކުރީ