ޗައިނާގެ ބޯޑަރުތަކުގައި ދަތުރުވެރިންނަށް އެހީވުމަށް ރޮބޮޓް ބޭނުންކުރަން ފަށައިފި
ޗައިނާގެ ބޯޑަރު ހުރަސްކުރާ ދަތުރުވެރިންނަށް ފޯރުކޮށްދޭ ޚިދުމަތްތައް އިތުރަށް ހަރުދަނާކޮށް، އަވަސް ޚިދުމަތްތަކެއް ދިނުމުގެ މަގުސަދުގައި، އިންސާނީ ސިފަޔަށް ހަދާފައިވާ (ހިއުމަނޮއިޑް) ރޮބޮޓްތައް ތަޖުރިބާކުރަން ފަށައިފިއެވެ. ޗައިނާގެ އޮފިޝަލުން ހާމަކުރައްވާ ގޮތުގައި މި އާ މަޝްރޫޢުގެ މައިގަނޑު ބޭނުމަކީ ބޯޑަރު ކްރޮސިންތަކުގެ ކެޕޭސިޓީ އިތުރުކޮށް، ދަތުރުވެރިންނަށް ކުރިމަތިވާ ދަތިތައް ހައްލުކޮށްދިނުމެވެ. މި ރޮބޮޓްތައް ބޭނުންކުރަން ފެށުމުން ދިގު ކިޔޫތައް ކުޑަވެ، މައުލޫމާތު ސާފުކުރުމަށް ހޭދަވާ ވަގުތު ސަލާމަތްވެގެންދާނެ ކަމަށް ރިޕޯޓްތައް ބުނެއެވެ. ބޯޑަރުތަކުގައި ހަރަކާތްތެރިވާ މި ރޮބޮޓްތަކަށް ޒަމާނީ ޓެކްނޮލޮޖީގެ އެހީގައި ގިނަ ކަންތައްތަކެއް ކުރުމުގެ ގާބިލުކަން ވަނީ ލިބިފައެވެ. އޭގެ ތެރޭގައި އެކި ބަސްބަހުން މުއާމަލާތްކުރުމުގެ ގާބިލުކަން ލިބިފައިވާއިރު، ދުނިޔޭގެ އެކި ކަންކޮޅުތަކުން އަންނަ ދަތުރުވެރިންނަށް ފަސޭހައިން ޖަވާބުދިނުމުގެ ގާބިލުކަން މި ރޮބޮޓްތަކަށް ލިބިގެން ދާނެއެވެ. https://sun.mv/209964 މައުލޫމާތު ފޯރުކޮށްދިނުމުގެ ގާބިލު ކަމުގެ ތެރޭގައި ވީޒާ، ކަސްޓަމްސް، އަދި އެއާޕޯޓާއި ޖެޓީތަކަށް ދާނެ މަގުތައް ބުނެދިނުން ހިމެނެއެވެ.މީގެ އިތުރުންވެސް މިރޮބޮޓް ތަކަށް، ކިޔޫ މެނޭޖްކުރުމުގެ ގާބިލުކަންވެސް ލިބިގެން ވެއެވެ. އެގޮތުން ދަތުރުވެރިން ކިޔޫތަކަށް ހުއްޓުވައި، އެންމެ އެކަށީގެންވާ ކައުންޓަރުތަކަށް ނުވަތަ މަގުތަކަށް މީހުން ފޮނުވުން ހިމެނެއެވެ. މި ރޮބޮޓްތަކުގެ ސަބަބުން ބޯޑަރުތަކުގައި އާންމުކޮށް ދިމާވާ ތޮއްޖެހުމުގެ މައްސަލަތަކަށް ހައްލު ލިބިގެންދާނެއެވެ. އަދި އާދައިގެ ސުވާލުތަކަށް ޖަވާބުދިނުމުގައި ރޮބޮޓްތައް ހަރަކާތްތެރިވާން ފެށުމުން، ބޯޑަރުގައި މަސައްކަތްކުރާ އިންސާނީ މުވައްޒަފުންނަށް ސެކިއުރިޓީ ކަންކަމާއި އެހެނިހެން މުހިންމު މަސައްކަތްތަކަށް ވަގުތު ހުސްކުރުމުގެ ފުރުސަތު ލިބިގެންދާނެ ކަމަށް ކަމާބެހޭ ފަރާތްތަކުން ދެކެއެވެ. މިއީ ޗައިނާއިން އާޓިފިޝަލް އިންޓެލިޖެންސް (އޭއައި) އާއި ރޮބޮޓިކްސްގެ ދާއިރާއިން ހޯދަމުންދާ ކުރިއެރުންތަކުގެ ޢަމަލީ މިސާލެކެވެ. ސްމާޓް ސިޓީތައް ބިނާކުރުމަށާއި ދައުލަތުގެ ޚިދުމަތްތައް ޒަމާނީކުރުމަށް ޗައިނާއިން ކުރަމުންދާ ބޮޑެތި އިންވެސްޓްމަންޓްތަކުގެ ތެރެއިން ތައާރަފުކުރެވުނު މި ޚިދުމަތް ކާމިޔާބުވެއްޖެނަމަ، ޗައިނާގެ އެހެން ބޯޑަރުތަކަށްވެސް މި ނިޒާމު ފުޅާކުރުމަށް ވަނީ ހަމަޖެހިފައެވެ. ނަމަވެސް، މިފަދަ ޓެކްނޮލޮޖީއެއް ތަންފީޒުކުރުމުގައި އާންމުންގެ އިތުބާރު ހޯދުމާއި، ރޮބޮޓްތަކުގެ ސަބަބުން އިންސާނީ ވަޒީފާތަކަށް އަސަރުކޮށްފާނެ ކަމުގެ ކަންބޮޑުވުންތަކަކީވެސް މިކަމުގައި އޮތް ގޮންޖެހުމެއް ކަމަށް މުަހައްލިލުން ފާހަގަކުރެއެވެ.
އަރުޝީފަށް ނެގީ
އެންމެފަހުން އަޕްޑޭޓްކުރީ
އެންމެފަހުން އަޕްޑޭޓްކުރީ