ރާއްޖޭގައި ތިބި އިންޑިއާ ރައްޔިތުންގެ ތެރެއިން އެނބުރި ގައުމަށް ދިއުމަށް ބޭނުންވާ މީހުން، އަނބުރާ ގައުމަށް ގެންދިއުމަށް ހާއްސަ ދަތުރެއް ބާއްވަން ނިންމައިފިއެވެ.
ރާއްޖޭގައި ހުންނަ އިންޑިއާ ހައިކޮމިޝަނުގެ ޓްވިޓާގައި އާންމުކޮށްފައިވާ ވީޑިއޯއެއްގައި، އިންޑިއާއިން ރާއްޖެއަށް ކަނޑައަޅާފައި ހުންނަވާ ސަފީރު ސަންޖޭ ސުދީރު ވިދާޅުވީ މިހާތަނަށް ރާއްޖޭގައި ތިބި އިންޑިއާގެ ރައްޔިތުންގެ ތެރެއިން އެނބުރި ގައުމަށް ގޮސްފައިވާ މީހުންގެ އަދަދު 1800އަށް އަރާފައިވާ ކަމަށެވެ. އެހެންނަމަވެސް އިތުރު 700 މީހުން ގައުމަށް ގެންދިއުމަށްޓަކައި އެގައުމުގެ އަސްކަރިއްޔާގެ މަނަވަރެއް މި މަހުގެ ފަސްވަނަ ދުވަހު ރާއްޖެ އަންނާނެ ކަމަށްވެސް ސަފީރު ވިދާޅުވިއެވެ.
High Commissioner Sunjay Sudhir shares important updates regarding the upcoming evacuation schedule of Indian nationals from the #Maldives under #MissionVandeBharat
Op. #SamudraSetu @MEAIndia @indiannavy @IndianDiplomacy pic.twitter.com/g3EMzoa3Ym
— India in Maldives (@HCIMaldives) June 1, 2020
އޭނާ ވަނީ އެނބުރި ގައުމަށް ދާން ބޭނުންވެގެން ރަޖިސްޓްރީ ކޮށްފައިވާ މީހުންގެ ދިގު ލިސްޓެއް އެބައޮތް ކަމަށް ވިދާޅުވެފައެވެ. އެހުރިހާ އެންމެން ހައިކޮމިޝަނަށް ވެސް ފޮނުވާ ނުލެވިދާނެ ކަމަށާއި ނަމަވެސް މަސައްކަތް ކުރަމުން ގެންދާނީ ވީހާވެސް ގިނަ މީހުން ފޮނުވާލެވޭތޯ ކަމަށް ސަފީރު ވިދާޅުވިއެވެ.
ރާއްޖެއިން މިހާތަނަށް ކޮވިޑަށް ޕޮޒިޓިވްވި 1،829 މީހުންގެ ތެރެއިން 186 މީހުންނަކީ އިންޑިއާ މީހުންނެވެ.