އެސްޓީއޯ އާއި ހިޓާޗީގެ ގުޅުމަށް 25 އަހަރު ފުރުން ފާހަގަކޮށްފި އެވެ.
ވީ ކިހިނެއް؟ - އެސްޓީއޯ އާއި ހިޓާޗީގެ ގުޅުމަށް 25 އަހަރުވުން ފާހަގަކުރުމަށް ރޭ ބާސެލޯ ނަސަންދުރާގައި ބޭއްވި ހާއްސަ ރަސްމިއްޔާތެއްގައި ހިޓާޗީ ކުންފުނީގެ މެނޭޖިން ޑިރެކްޓަރު ޔޮޝިޔޫކީ ބަންޑޯގެ އިތުރުން އެ ކުންފުނީގެ އިސްވެރިން ބައިވެރިވެވަޑައިގެންނެވި އެވެ. އެގޮތުން:
އެ ހަފްލާގެ ޝަރަފުވެރި މެހެމާނަކީ ޖަޕާނުން ރާއްޖެއަށް ކަނަޑައަޅުއްވާފައި ހުންނަވާ ސަފީރު އިޝިގާމީ ރުމިކޯ
އެސްޓީއޯގެ ވެރިންނާއި އެ ކުންފުނީގައި މީގެ ކުރިން މަސައްކަތް ކުރެއްވި ބައެއް އިސްވެރިން ވެސް ރޭގެ ރަސްމިއްޔާތުގައި ބައިވެރިވެވަޑައިގެންނެވި
ތަފްސީލް - ގަރުނަކަށް ވުރެ ދިގު ތާރީހެއް އޮތް ހިޓާޗީގެ އުފެއްދުންތައް ރާއްޖެއަށް އެންމެ ފުރަތަމަ ތައާރަފު ކުރީއްސުރެ ދިވެހިންގެ މެދުގައި މި ބްރޭންޑުގެ މަގުބޫލުކަން ބޮޑުވެ، މާކެޓުގެ އިތުބާރު ވަނީ ހޯދައިފަ އެވެ. މިއަދާ ހަމައަށް ވެސް ރާއްޖޭގައި ހިޓާޗީއަށް އެ އިތުބާރު އެބައޮތެވެ. އެގޮތުން:
ހިޓާޗީ އާއި އެސްޓީއޯގެ މި 25 އަހަރުވީ ގުޅުމުގެ ތާރީހުގައި ހިޓާޗީގެ އުފެއްދުންތައް އެންމެ ގިނައިން ގަތް 4 ކަސްޓަމަރުންގެ އަގު ވަޒަންކޮށް ރޭ ވަނީ ހަނދާނީ އެވޯޑު ދީފައި
މީގެ އިތުރުން. ހިޓާޗީން އެންމެ ފަހުން މާކެޓަށް ނެރުނު 'ހިޓާޗީ ނިއު އެއާ' ރޭންޖުގެ އުފެއްދުންތައް ވަނީ ތައާރަފްކޮށްފައި
ބުނީ ކީކޭ؟ - ރޭގެ ހަފްލާގައި ވާހަކަދައްކަވަމުން އެސްޓީއޯގެ މެނޭޖިން ޑިރެކްޓަރު ޝިމާދު އިބްރާހިމް ވިދާޅުވީ އެސްޓީއޯ އާއި ހިޓާޗީގެ ގުޅުމަކީ އިތުބާރާއި އިހުތިރާމުގެ މައްޗަށް ބިނާވެފައިވާ ވަރުގަދަ ގުޅުމެއް ކަމަށެވެ. އެގޮތުން، ހިޓާޗީން ބާޒާރަށް އަލަށް ތައާރަފު ކުރާ އުފެއްދުންތައް މާ ގިނަ ދުވަހެއް ނުވެ އެސްޓީއޯ މެދުވެރިކޮށް ރާއްޖޭގެ ބާޒާރަށް ތައާރަފު ކުރާކަން އޭނާ ފާހަގަކުރެއްވި އެވެ.
 ފާހަގަ ކުރެވޭ - އެސްޓީއޯ އިން ރާއްޖެ އެތެރެކޮށް ވިއްކާ، ޖަޕާނުގެ މަގުބޫލު އަދި ފެންވަރު ރަނގަޅު ބްރޭންޑު ހިޓާޗީއަކީ ރާއްޖޭގެ ގޭބީސީތަކުން ފެށިގެން ގޮސް އޮފީސްތަކާއި ރިސޯޓުތަކުގައި ވެސް މަގުބޫލު އަދި އިތުބާރު ހޯދާފައިވާ ބްރޭންޑެކެވެ.