ރައީސް ސޯލިހްގެ ސަރުކާރުގައި އިކޮނޮމިކް މިނިސްޓަރުކަން ކުރެއްވި ފައްޔާޒަކީ އެމްޑީޕީގައި މިވަގުތު އެންމެ މަގުބޫލު އެއް ޝަހުސިއްޔަތެވެ.
2028 ވަނަ އަހަރު އޮންނަ ރިޔާސީ އިންތިހާބުގައި ވާދަކުރެއްވުމަށް އެމްޑީޕީގެ ރިޔާސީ ޓިކެޓް ހޯއްދެވުމަށް ޕާޓީގެ ރިޔާސީ ޕްރައިމަރީ ގައި ވާދަ ކުރައްވާނެ ކަމަށް އެމްޑީޕީގެ ޗެއާޕާސަން ފަައްޔާޒު އިސްމާއީލް މިއަދު ރަސްމީކޮށް އިއުލާނު ކުރައްވައިފި އެވެ.
އިދިކޮޅު މައި ޕާޓީ -- އެމްޑީޕީ ހިންގުމުގައި މިވަގުތު އިސްކޮށް ހުންނެވި ފައްޔާޒު އެކަން އިއުލާނު ކުރެެއްވީ އެމްޑީޕީގެ ގައުމީ މަޖިލިސް މެންބަރުން ތިއްބަވާ ވަޓްސްއެޕް ގުރޫޕްގަ އެވެ. ފައްޔާޒު ވަނީ ރިޔާސީ ރޭހުގައި ވާދަ ކުރައްވަން ޝައުގުވެރިކަން ފާޅު ކުރައްވާ ދެން އޮންނަ އެމްޑީޕީގެ ރިޔާސީ ޕްރައިމަރީގައި ވާދަ ކުރައްވާނެ ކަމަށް ވިދާޅުވެފަ އެވެ.ފައްޔާޒު ވަނީ ގައުމީ މަޖިލިސް މެންބަރުންނާއި ޕާޓީގެ އާންމު މެންބަރުންގެ ފުރިހަމަ ތާއީދަށް އެދިވަޑައިގެންފަ އެވެ.ރައީސް ސޯލިހްގެ ސަރުކާރުގައި އިކޮނޮމިކް މިނިސްޓަރުކަން ކުރެއްވި ފައްޔާޒަކީ އެމްޑީޕީގައި މިވަގުތު އެންމެ މަގުބޫލު އެއް ޝަހުސިއްޔަތެވެ. ރިޔާސީ ރޭހަށް ނިކުންނެވުމަށް ފަައްޔާޒުގެ އިތުރުން އެ ޕާޓީގެ ލީޑާޝިޕްގެ ގިނަ ބޭފުޅުންތަކެއް މަސައްކަތް ކުރައްވަ އެވެ. އެންމެ ބޮޑަށް އެ މަަސައްކަތުގައި އުޅުއްވަނީ ކުރީގެ ފޮރިން މިނިސްޓަރު އަބްދުﷲ ޝާހިދު އެވެ.މީގެ އިތުރުން ކުރީގެ ނާއިބު ރައީސް ފައިސަލް ނަސީމާއި މާލެ ސިޓީގެ މޭޔަރު އާދަމް އާޒިމް ވެސް ރިޔާސީ ރޭހަށް ޝައުގުވެރިވެވަޑައިގަންނަވާ ކަމަށް ވެ އެވެ.އެންމެ ފަހުން އޮތް ދެ ރިޔާސީ އިންތިހާބު -- 2018 ވަނަ އަހަރާއި 2023 ވަނަ އަހަރުގެ އިންތިހާބު ގައި އެމްޑީޕީގެ ޓިކެޓް ގައި ވާދަކުރެއްވީ ކުރީގެ ރައީސް އިބްރާހިމް މުހައްމަދު ސޯލިހެވެ. އެންމެ ފަހުން އޮތް އިންތިހާބު ގައި ސޯލިހަށް ނާކާމިޔާބުވެވަޑައިގެން ރިޔާސީ ދެވަނަ ދައުރެއްގެ ފުރުސަތު ލިބިވަޑައެއް ނުގެންނެވި އެވެ.ކުރިއަށް އޮތް އިންތިހާބު ގައި ވާދަކުރުމާ ގުޅޭގޮތުން ސުވާލު ކުރުމުން ރައީސް ސޯލިހް ވަކި ޖަވާބެއް ނުދެއްވާ ވިދާޅުވީ ތަފާތު ވާހަކަފުޅެކެވެ. ވިދާޅުވީ މިވަގުތު އެމަނިކުފާނުގެ ނިންމެވުން ހާމަކޮށްފިނަމަ ޕާޓީއަށް އެކަމުން އަސަރު ކުރާނެ ކަމަށެވެ. އެންމެ ރަނގަޅު ވަގުތު އެކަން އިއުލާނު ކުރައްވާނެ ކަމަށެވެ.ގިނަ ބަޔަކު ދެކޭ ގޮތުގައި ރައީސް ސޯލިހް އަދި ފަހަތަށް ޖެހިވަޑައިނުގަންނަވާނެ އެވެ. އެންމެ ފަހު ވަގުތު ނިކުންނަވާ ރިޔާސީ ޓިކެޓް ހޯއްދަވާނީ އެމަނިކުފާނެވެ. އެ މަގަށް އެމަނިކުފާނު މިހާރުއްސުރެ ދަނީ މަސައްކަތް ކުރައްވަމުންނެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ