ސައުދީ އަރަބިއްޔާގެ ރެޑްސީ އިންޓަނޭޝަނަލް އެއާޕޯޓް (އާރްއެސްއައި) އަށް ޔޫރަޕުން ސީދާ ދަތުރުތައް ރާއްޖޭގެ ލަގްޒަރީ އެއަރލައިން ބިއޮންޑް އިން ފަށައިފި އެވެ.
ދުނިޔޭގެ ފުރަތަމަ ލަގްޒަރީ އެއާލައިން ކަމަށްވާ، އަދި ލީޝަރ ޓްރެވަލްއަށް ޚާއްސަ ކޮށްފައިވާ ބިއޮންޑްއިން ހަފްތާއަކު ދެ ފަހަރު އިޓަލީގެ މިލާނުން ބޭއްވުމަށް ވަނީ ހަމަޖެހިފައެވެ.
މިއީ، ޔޫރަޕާއި ސައުދީ އަރަބިއްޔާގެ ފްލެގްޝިޕް ލަގްޒަރީ އަދި ރިޖެނެރޭޓިވް ޓޫރިޒަމް ހަބް ކަމަށްވާ ދި ރެޑްސީ އަދި އަމާލާ (AMAALA) ޑެސްޓިނޭޝަންތަކާ ދެމެދު ގާއިމުކުރެވުނު ފުރަތަމަ ސީދާ ވައިގެ ގުޅުމެވެ. މިއީ ޔޫރަޕްގެ ފަތުރުވެރިންނަށް މި ސަރަހައްދަށް ދަތުރުކުރުމަށް ހުޅުވިގެންދިޔަ އާ ދޮރެކެވެ. މިހާރުވެސް މި އެއާޕޯޓަށް ރިޔާޟް، ޖިއްދާ، ދުބާއީ، ދޯހާ އަދި މިލާނުން ދަތުރުތައް ކުރަމުންދާއިރު، އިތުރު މަންޒިލްތަކަށްވެސް ދަތުރުތައް ފެށުމަށް ވަނީ ހަމަޖެހިފައެވެ.
އާރްއެސްއައިގެ ޗީފް އެގްޒެކެޓިވް އޮފިސަރު އެންޑްރޫ ޓައިލަރ-ސްމިތު ވިދާޅުވިއެވެ.
ބިއޮންޑް އިން މިލާން ހޮވީ އެއީ ލަގްޒަރީ އަދި އައުޓްބައުންޑް ޓްރެވަލްގެ ގޮތުން ވަރުގަދަ ޕްރޮފައިލްއެއް އޮތް ސިޓީއަކަށް ވާތީއެވެ. ޔޫރަޕްގެ ލީޝަރ ފަތުރުވެރިންނަށް ޚާއްސަކޮށް، އޯލް-ލައި-ފްލެޓް އޭ320 އެއާކްރާފްޓް ބޭނުންކޮށްގެން ހިންގާ މި ދަތުރުތަކަކީ، ރެޑްސީ އާ ބެހޭ ގޮތުން ޔޫރަޕްގައި ހޭލުންތެރިކަން އިތުރުވަމުންދާ ވަރަކަށް، އިތުރު މާކެޓްތަކަށް ފުޅާކުރުމުގެ ފުރުސަތު އޮތް ކަމެކެވެ. ސައުދީ އަރަބިއްޔާގެ ހުޅަނގު އައްސޭރީގައި ސްޓްރެޓީޖިކް ގޮތުން ގާއިމުކޮށްފައިވާ އާރްއެސްއައި އަކީ ޔޫރަޕްގެ މައި ސިޓީތަކާ ކައިރީގައި އޮތް އެއާޕޯޓެކެވެ.
ބިއޮންޑް އަކީ ރާއްޖޭގެ ސިމްޑީ ގުރޫޕާއި އޭވިއޭޝަން ދާއިރާގެ ތަޖުރިބާކާރުން އުފައްދާފައިވާ އިންވެސްޓްމަންޓް ކުންފުނި، އަރަބެކްސް ގުޅިގެން އުފައްދާފައިވާ ލަގްޒަރީ އެއާލައިނެކެވެ. މި އެއާލައިނަކީ ލަގްޒަރީ ޓޫރިޒަމް މާކެޓަށް އަމާޒުކޮށްގެން އެންމެ މަތީ ފަންތީގެ ވައިގެ ދަތުރުފަތުރުގެ ހިދުމަތް ދިނުމުގެ މަގުސަދުގައި އުފައްދާފައިވާ އެއާލައިނެކެވެ.
ދުނިޔޭގެ ފުރަތަމަ ޕްރިމިއަމް ލަގްޒަރީ އެއަރލައިންގެ ޚިދުމަތް 2023 ވަނަ އަހަރު ފެށީ ރާއްޖޭގައެވެ. ބިއޮންޑް އެއަރލައިނުން އަމާޒު ހިފާފައި ވަނީ، ޕެރިސް، ވިއެނާ، މިލާން، ދުބާއީ، ހޮންގް ކޮންގް، ޓައިޕޭ އަދި ސިންގަޕޫރު ހިމެނޭ ގޮތަށް ދުނިޔޭގެ 60 މަންޒިލަކަށް ދަތުރުތައް ބޭއްވުމަށެވެ.
Thiladhun © 2019 – 2025| Made with in #Thiladhunmathi
Thiladhun © 2019 – 2025
Made with ❤️ in #Thiladhunmathi