މޫސުމާ ބެހޭ އިދާރާއިން ލަފާކުރާ ގޮތުގައި އެ ސަރަހައްދުތަކަށް ވިލާގަނޑުގައި 40 މޭލަށް ވައިގަދަވާނެ އެވެ. އަދި ކަނޑުތައްވެސް ގަދަވާނެކަމަށް ލަފާކޮށްފައިވެ އެވެ.
ގަދަވަޔާއެކު ބޯކޮށް ވިއްސާރަކުރާނެ ކަމަށް ލަފާކޮށް މެދުރާއްޖެ ތެރެއަށް ރީނދޫ ސަމާލު ނެރެފި އެވެ. 
މޫސުމާ ބެހޭ ގައުމީ އިދާރާއިން ރީނދޫ ސަމާލު ނެރުނީ ށ.އަތޮޅުން ފެށިގެން ބ.އަތޮޅާ ހަމައަށެވެ. މި ސަމާލުގެ މުހުލަތަކީ މިއަދުގެ ހެނދުނު 07:15 އިން ފެށިގެން މެންދުރު 11:00 އަށެވެ. 
ރީނދޫ ސަމާލު ނެރެފައިވާ ވަގުތުތަކުގައި އެ ސަރަހައްދަށް ގުގުރުމާއެކު ބޯކޮށް ވާރޭވެހޭނެ ކަމުގައި މެޓް އޮފީހުން ބުނެފައިވެ އެވެ. 
މޫސުމާ ބެހޭ އިދާރާއިން ލަފާކުރާ ގޮތުގައި އެ ސަރަހައްދުތަކަށް ވިލާގަނޑުގައި 40 މޭލަށް ވައިގަދަވާނެ އެވެ. އަދި ކަނޑުތައްވެސް ގަދަވާނެކަމަށް ލަފާކޮށްފައިވެ އެވެ. 
މޫސުމާ ބެހޭ ގައުމީ އިދާރާއިން ލަފާކުރާ ގޮތުގައި ކުރިއަށް އޮތް ފަސް ދުވަހު ރާއްޖޭގެ ހުރިހާ ހިސާބަކަށްވެސް ވިއްސާރަކުރާނެ އެވެ. 
އެ އިދާރާއިން ބުނެފައިވަނީ އެންމެ ބޮޑަށް ވިއްސާރަވާނީ އުތުރުގެ އަތޮޅުތަކަށާއި މެދުރާއްޖެ ތެރެއަށް ކަމަށެވެ. އަދި ދަތުރުފަތުރުކުރުމުގައި މޫސުމަށް ސަމާލުވުމަށް މެޓު އޮފީހުން އިލްތިމާސްކޮށްފައިވެ އެވެ. 
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ