ސަރުކާރަށް ދެ އަަހަރު؛ ޑޮލަރު އެކްސްޗޭންޖް ރޭޓް ތިރިއެއް ނުވި!

ކަޅު ބާޒާރުގައި ޑޮލަރުގެ އަގު ބޮޑުވަމުން ގޮސް ޑޮލަރެއް ލިބޭ އަގު 20ރ. އިން މަތީގައި ހުންނަތާ ހަ މަހަށްވުރެ ގިނަ ދުވަސް ވެއްޖެ އެވެ.ރައީސް ޑރ. މުއިއްޒުގެ ސަރުކާރަށް ދެ އަހަރު ވީއިރު އެމަނިކުފާޏުގެ ވައުދުތަކުގެ ތެރޭގައި ޑޮލަރުގެ އަގު ހިފެހެއްޓުން ހިމެނެ އެވެ.ޑޮލަރުގެ އަގު އުފުލެމުން އަންނަ އިރު، ރައީސް ޑރ. މުހައްމަދު މުއިއްޒު ވިދާޅުވެފައި ވަނީ، ސަރުކާރުން ތަންފީޒުކުރަމުންދާ ފިޔަވަޅުތަކާއެކު ޑޮލަރުގެ އަގު ދަށްވަމުން ގޮސް، ރަސްމީ ރޭޓުގައި ޑޮލަރު ލިބެން ފަށާނީ 2027 ގައި ކަމަށެވެ. އަދި މި އަމާޒަށް ވާސިލުވާން އަޅަންޖެހޭ ފިޔަވަޅުތައް އަޅަމުން ގެންދާނެ ކަމަށް ރައީސް ވިދާޅުވެފައިވެ އެވެ.މުއިއްޒުގެ އިގްތިސާދީ މެނިފެސްޓޯގައި ހިމެނޭ ބައެއް ކަންކަން:ޑޮލަރު އެކްސްޗޭންޖް ރޭޓް ތިރިކޮށް، އެއް ހަމައެއްގައި ހިފެހެއްޓުން.އެސްޑީއެފަށް ޑޮލަރު ޖަމާކުރުމާއި ގާނޫނެއް ހަދައިގެން އިތުރަށް ވަރުގަދަކުރުން.އެސްއީޒެޑް ގާނޫނު ފުރިހަމަ އަށް ތަންފީޒު ކުރުން.ޒުވާނުންނަށް އިންޓަނޭޝަނަލް ޕޭމަންޓް ނިޒާމްގެ ތެރެއަށް ވަދެވޭނެ ގޮތް ހެދުން.ސަރުކާރުގެ އަމާޒަކީ ކުރިއަށް އޮތް ހަތަރު މަހެއްހައި ދުވަހުން ރާއްޖެއަށް ދިމާވެފައި އޮތް ޑޮލަރުގެ މައްސަލަ ހައްލުކުރުން ކަމަށް އިކޮނޮމިކް މިނިސްޓަރު މުހައްމަދު ސައީދު 13 ފެބުރުއަރީ 2024ގައި ވިދާޅުވި އެވެ. އެފަހުން މިއަދަށް އެއް އަހަރާ ފަސް މަސް ވީ އެވެ. ޑޮލަރުގެ އަގުދަށްވެ ޑޮލަރުގެ ކަޅު ބާޒާރު ހީނަރުވުމުގެ ކޮޅުމަތި ފެންނަތަނެއް ނާދެ އެވެ."އެމްއެމްއޭގެ އާ ގަވައިދުގެ ދަށުން ޑޮލަރުގެ އަގު އިތުރަށް ދަށްވެ، ކަޅު ފައިސާގެ ބާޒާރު ކުރިއަށް އޮތް ތަނުގައި ހީނަރުވެގެން ދާނެ ކަމުގެ ކޮޅުމަތި އަޅުގަނޑުމެންނަށް ފެންނާތީ އެކަން އެގޮތަށް ލަފާ ކުރެވޭ ކަމުގައި އެ އޮތީ އެމްއެމްއޭއިން ވެސް ވިދާޅުވެފައި އަވަސް ފުރުސަތެއްގައި،" ރައީސް އޮފީހުގައި 21 އޭޕްރީލް 2025 ގައި ބޭއްވި ނޫސްވެރިންގެ ބައްދަލުވުމުގައި ސައީދު ވިދާޅުވި އެވެ.  ޑޮލަރު މާރުކުރަން މަޖުބޫރިކުރި ފަހުން ޑޮލަރު އަގު ދުވަހެއް ދުވަހަށް ދަނީ މަތިވަމުންނެވެ. ރަސްމީ ޑޮލަރު ރޭޓަކީ 15.42 ރ. އެވެ.
އަރުޝީފަށް ނެގީ
އެންމެފަހުން އަޕްޑޭޓްކުރީ