ވެރިކަން ބަދަލުވިފަހުން 18 ނޮވެބަރުގައި ވެސް ފްލެޓު ކޮމެޓީން ޕްލެޓް ޕޯޓަލްއަށް އެކްސެސްވެފައިވެ އެވެ. އަދި އަމިއްލަ މީހަކަށް ފްލެޓު ހޯދައިދޭން ފުލުހުންގެ އިދާރާއިން ރަސްމީ ލިޔުމެއް ދީފައިވެ އެވެ.
ރައީސް އިބްރާހިމް މުހައްމަދު ސޯލިހުގެ ސަރުކާރުން ހުޅުމާލޭގައި ހެދި ފްލެޓު ލިސްޓުގައި ޝަރުތު ހަމަނުވާ މީހުން ހިމަނަން ކޮށްފައިވާ ގިނަ ކަންތައްތަކެއް ހާމަވެއްޖެ އެވެ. 
ގެދޮރުވެރިޔާ ސްކީމުގެ ދަށުން ހުޅުމާލޭގައި އެފްޑީސީއާ ހަވާލުކޮށްގެން އަޅަމުންދާ 4،000 ފްލެޓުގެ މައުލޫމާތު ދެއްވަމުން ހައުސިން މިނިސްޓަރު ޑރ. އަބްދުﷲ މުއްތަލިބު ވަނީ ފްލެޓު ލިސްޓަށް މީހުން ނެގުމުގައި ހަދާފައިވާ ގިނަ "ގޯސްތަކެއް" ވިދާޅުދެއްވާފަ އެވެ.  މިނިސްޓަރު ވިދާޅުވީ މި ގޯސްތަކަކީ ގަސްތުގައި ހަދާފައިވާ ގޯސްތަކެއް ތޯ ނުވަތަ ނޭނގި ކުރެވިފައިވާ ކަންތައްތަކެއްތޯ އެނގޭނީ ކަމާބެހޭ ފަރާތްތަކުން ބެލީމަ އެވެ. 
"ގެދޮރުވެރިޔާ" ސްކީމުގެ ދަށުން ދޫކުރަން ނިންމާފައިވާ 4000 ފްލެޓް ލިސްޓުގެ ވެރިފިކޭޝަން ކުރިއަށް ގެންދިޔައިރު، ޝަރުތު ހަމަވެފައިވަނީ 1820 މީހުން ކަމަށް ހައުސިން މިނިސްޓްރީން ވަނީ ކަނޑައަޅާފަ އެވެ. 
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން މިނިސްޓަރު މުއްތޮލިބު ވިދާޅުވީ އިވެލުއޭޝަން ނިމުނުއިރު ފްލެޓު ނުލިބޭނެ ކަމަށް ކަނޑައެޅި 3119 ގެ ތެރެއިން 2695 މީހުންނަކީ ފްލެޓު ލިބޭ ވަރަށް ޝަރުތު ހަމަނުވާ މީހުން ކަމަށެވެ. އަދި ބާކީ ތިބި 424 މީހުންނަކީ ވެރިފިކޭޝަން ނިމުނުއިރު ފްލެޓް ލިބޭ ވަރަށް ޕޮއިންޓް ނުލިބޭ މީހުން ކަމަށެވެ.
ގެދޮރުވެރިޔާ ހައުސިން ސްކީމުގެ ދަށުން ފްލެޓަށް އެދި ހުށަހެޅުމަށް ހުޅުވާލުމުން ޖުމްލަ 20،697 ފޯމު ވަނީ ހުށަހަޅައިފަ އެވެ. މިހުރިހާ ފޯމެއް އިވެލުއޭޓް ކުރުމުގެ ބަދަލުގައި، ހައުސިން މިނިސްޓްރީން ވަނީ 4000 ފްލެޓް ދިން މީހުންގެ ފޯމުތަކުގެ ސައްހަކަން ކަށަވަރު ކޮށްފަ އެވެ. 
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ