މޫޑީސްއިން ރާއްޖޭގެ ކްރެޑިޓް ރޭޓިން ކުރިއަށް ލަފާ ކުރާ ގޮތް ނުވަތަ 'އައުޓްލުކް'އަށް ގެނައި ބަދަލަކީ، ވިޔަފާރިތަކަށް ލިބުނު ހިތްހަމަޖެހުމެއް ކަމަށާއި ފެންނަނީ އުއްމީދީ ދުވަސްތަކެއް ކަމަށް އިކޮނޮމިކް މިނިސްޓަރު މުޙައްމަދު ސައީދު ރޭ ވިދާޅުވެއްޖެއެވެ. މިނިސްޓަރު އެފަދައިން ވިދާޅުވިއިރު، ބައިނަލްއަގުވާމީ ކްރެޓިޑް ރޭޓިން އޭޖެންސީ މޫޑީސްއިން، ކުރީގައި ދީފައި އޮތް 'ނެގެޓިވް އައުޓްލުކް' މިހާރު ވަނީ 'ސްޓޭބަލް'އަށް ބަދަލުކޮށްފައެވެ. ނަމަވެސް ކްރެޑިޓް ރޭޓިން ވަނީ 'ޖަންކް' ރޭޓިންއެއް ކަމަށްވާ 'ސީއޭއޭ2'ގައި ދަމަހައްޓައިފައެވެ. https://sun.mv/214535 ރޭ ވަނީ، ކުދި އަދި މެދު ފަންތީގެ ވިޔަފާރިތަކަށް ފުރަތަމަ ފަހަރަށް އެވޯޑު ދިނުމުގެ ހަފުލާއެއް ބާއްވައިފައެވެ. އެ ހަފުލާގައި މިނިސްޓަރު ވިދާޅުވީ، ރައީސް ޑރ. މުޙައްމަދު މުއިއްޒު ސަރުކާރާ ހަވާލުވިއިރު، ދިމާވި އެންމެ ބޮޑު މައްސަލައަކަށްވީ، މާލީ ގޮތުން ހީނަރުކަމާއި މާޔޫސްކަމާ ކުރިމަތިލާން ޖެހުން ކަމަށެވެ. މޫޑީސްއިން ރާއްޖޭގެ އައުޓްލުކް ސްޓޭބަލްއަށް ބަދަލުކުރުމަކީ ކުދި ވިޔަފާރިތަކަށް ލިބުނު ހިތްހަމަޖެހުމެއްގެ ގޮތުގައި މިނިސްޓަރު ވަނީ ސިފަކުރައްވާފައެވެ. އެއީ، ވިޔަފާރިތަކަށް ބޭނުންވާ އެެއްޗެހި ހޯދަން ލިބުނު ޔަގީންކަމެއް ކަމަށް ސައީދު ވިދާޅުވިއެވެ. އެ ކަން ހާސިލުކުރެވުނީ، ވަރަށް ގިނަ މަސައްކަތްތަކެއް ކޮށްގެން ކަން މިނިސްޓަރު ފާހަގަކުރެއްވިއެވެ. މިނިސްޓަރު ސައީދު، އެސްއެސްއެމްއީ އެވޯޑު ދެއްވުން: ވިދާޅުވީ، މޫޑީސްއިން ގެނައި ބަދަލަކީ ވިޔަފާރިތަކަށް ލިބުނު ހިތްހަމަޖެހުމެއް ކަމަށް ---- ފޮޓޯ/ އިކޮނޮމިކް މިނިސްޓްރީ ފިނޭންސް މިނިސްޓަރާއި މިނިސްޓަރުގެ ޓީމާއި އިކޮނޮމިކް ސެކްޓާގައި ހަރަކާތްތެރިވާ ހުރިހާ ސްޓޭކްހޯލްޑަރުންނާއެކީ ރައީސް ހޭދަކުރެއްވި ދެ އަހަރަކީ ވަރަށް ކެތްތެރިކަމާއި ހިކުމަތްތެރިކަމާއެކު ކުރިއަށް ގެންދިޔަ ދެ އަހަރު ކަމަށްވާތީ، އަލުން އަނބުރާ މާޔޫސް ކަމުން ސްޓެބިލިޓީއަކަށް އައިކަން މޫޑީސްއިން އިއުލާނުކޮށްފައި އެވަނީއިކޮނޮމިކް މިނިސްޓަރު މުޙައްމަދު ސައީދު ރާއްޖޭގެ ކުދި އަދި މެދު ފަންތީގެ ވިޔަފާރިތަކަށް އައި ކުރިއެރުންތައް ފާހަގަކުރައްވަމުން މިނިސްޓަރު ވިދާޅުވީ، މިދިޔަ ދެ އަހަރު ތެރޭގައި ދިވެހި އުފެއްދުންތައް ވިއްކާ، އޮތެންޓިކް މޯލްޑިވްސް މެދުވެރިކޮށް، 400އަށް ވުރެ ގިނަ ވިޔަފާރިތަކަށް 50 މިލިއަން ރުފިޔާ ބިޒްނަސް ސެންޓާ ކޯޕަރޭޝަން (ބީސީސީ)އިން ފޯރުކޮށްދީފައިވާ ކަމަށެވެ. މިނިސްޓަރު ވިދާޅުވި ގޮތުގައި، ރާއްޖެއަށް ކުރިއަށް ފެންނަނީ އުންމީދީ ދުވަސްތަކެކެވެ. މިނިސްޓަރު ސައީދު ---- ފޮޓޯ/ ބީސީސީ ފާހަގަކުރެވޭ ގޮތުގައި، މޫޑީސްއިން ވަނީ، މާލީ ގޮތުން ބަލާއިރު ރާއްޖެ މިހާރު އޮތީ ދަރަނި ދެއްކުމަށް ކުރިއަށް ވުރެ ރަނގަޅު ހާލަތެއްގައި ކަމަށް މޫޑީސްއިން ބުނެފައެވެ. ނަމަވެސް، މިހާރު އޮތް ހާލަތަކީ އަދިވެސް މާލީ ގޮތުން އެންމެ ރަނގަޅު ހާލަތެއް ނޫންކަން މޫޑީސްއިން ފާހަގަކޮށްފައިވެއެވެ. އަދި ކްރެޑިޓް ރޭޓިން ސީއޭއޭ2ގައި ދަމަހައްޓަން ޖެހެނީ އެހެންވެ ކަމަށް އެ އިދާރާއިން ބުނެފައިވެއެވެ. ރާއްޖެއަށް މާލީ ގޮތުން އޮތް ނުރައްކާތަކުގެ ގޮތުގައި މޫޑީސްއިން ފާހަގަކުރީ، އަންނަ އަހަރު އެކަނި ވެސް 950 މިލިއަން ޑޮލަރު ދަރަންޏަށް ދައްކަން ޖެހުމެވެ. އޭގެ ސަބަބުން، ބޭރު ފައިސާގެ ރިޒާވާއި އެސްޑީއެފަށް އޮތް ޕްރެޝަރު އިތުރުވާކަން އެ އިދާރާއިން ފާހަގަކުރެއެވެ. https://sun.mv/213953 މޫޑީސްއާއެކު، ދުނިޔޭގެ އެންމެ ބޮޑެތި ރޭޓިން އޭޖެންސީތަކުގެ ތެރޭގައި ހިމެނޭ ފިޗުން ވެސް ރާއްޖެއަށް ދީފައި އޮތީ 'ސީސީ' ނުވަތަ 'ޖަންކް' ރޭޓިންއެކެވެ. ބައިނަލްއަގުވާމީ އިދާރާތަކުން ކަންބޮޑުވުން ފާޅުކުރަނީ ރާއްޖެއިން އަންނަ އަހަރު ބޮޑު ދަރަންޏެއް ދައްކަން ޖެހޭއިރު، ދަރަނި ނުދެއްކިދާނެ ކަމުގެ ބިރު އޮތް ކަމަށް ބުނެއެވެ. އަދި ރާއްޖޭން ދަރަނި ދައްކަން މަސައްކަތްކުރަނީ ސުކޫކް ނުވަތަ ބޮންޑު ވިއްކައިގެން ކަމަށްވާއިރު، ރާއްޖޭގެ ރޭޓިން ދަށްވުން ފަދަ ސަބަބުތަކާ ހެދި، އިތުރަށް ދަރަނި ނެގުމަށް ވެސް ހުރަސްތައް އޮތް ކަމަށް އިދިކޮޅުންނާއި ބޭރުގެ އިދާރާތަކުން ވެސް ބުނެއެވެ.