ރައްޔިތުންގެ މަޖިލީހުގެ އިންތިހާބުގައި ކުރީގެ ރައީސް އަބްދުﷲ ޔާމީން އަބްދުލްގައްޔޫމް ވޯޓު ނުލައްވާ ކަމަށް އެމަނިކުފާނު ނިސްބަތްވެ ވަޑައިގަންނަވާ ޕާޓީ، ޕީޕީއެމް އިން ބުނެފިއެވެ.
އެ މަނިކުފާނު ވޯޓުލާން ޖެހިވަަޑައިގަންވަނީ މައްޗަންގޮޅި އުތުރު ދާއިރާއަށެވެ. ޕީޕީއެމްއަށް ނިސްބަތްވާ ކެންޑިޑޭޓަކު އެ ދާއިރާއަށް ވާދަ ކުރެއެވެ.
އެމަނިކުފާނު ވޯޓު ނުލައްވާނެކަން ޕީޕީއެމްގެ ބައެއް މެންބަރުން މީގެ ކުރިންވެސް ވިދާޅުވިއެވެ. އެހެން ނަމަވެސް އެމަނިކުފާނު ވޯޓު ނުލެއްވި ސަބަބެއް އެނގިފައެއް ނުވެއެވެ.
މިއަދު ހެނދުނު 8:00 ޖެހިއިރު، އިންތިހާބުގެ ވޯޓުލާން ވަނީ ފަށާފައެވެ. އަދި އިރުއޮއްސި 18:00 އާ ހަމައަށް ވޯޓުލުން ކުރިއަށް ގެންދިއުމަށް އިލެކްޝަނުން ވަނީ ނިންމާާފައެވެ.