‘އަދަދު’ ނޫހުން އާންމުކުރި “އައިޝާ” ޑޮކިއުމެންޓްރީގައި ވާހަކަދައްކާ އަންހެން މީހާއަކީ އީޝާ އަޝްރަފް ކަން އެނގޭ މިންވަރަށް ހެކި ލިބިފައިވާކަމަށް ފުލުހުން ބުނެފިއެވެ. މި މައްސަލައިގައި ރޭ އީޝާ ވަނީ ހުޅުމާލެ ފޭސް 1 ގެ ޕޮލިސް ސްޓޭޝަނަށް ހާޒިރުކޮށްފައެވެ.
ޝަމީމް ފާހަގަކުރެއްވި ގޮތުގައި އީޝާގެ ޕާސްޕޯޓު ހިފެހެއްޓުމަށް ނެރުނު އަމުރުގައިވާ މާއްދާތަކާއި، މިހާރު ފުލުހުން ކުރާ ތުހުމަތުތަކާ ދެމެދު ފުށުއެރުންތަކެއް އެބަހުއްޓެވެ. މިކަމާ ގުޅިގެން ވަކީލުން ވަނީ ސުވާލު އުފައްދާފައެވެ.
މި ޑޮކިއުމެންޓްރީއަކީ ރައީސް މުއިއްޒުއަށް އަމާޒުކޮށް ބޮޑެތި ތުހުމަތުތަކެއް ކޮށްފައިވާ ވީޑިއޯއެކެވެ. އީޝާގެ ފަރާތުން ބުނެފައިވަނީ އޭނާ ވިކްޓިމްއަކަށް ވީގޮތުގެ ތަފްސީލުތައް ކުރިއަށް އޮތް ތަނުގައި ހާމަކުރާނެ ކަމަށެވެ.