ތޫފާން ޑިޓުވާގެ ސަބަބުން ކުރިއަށް އޮތް 24 ގަޑިއިރު ވެސް ރާއްޖޭގެ އެކި ހިސާބުތަކަށް ވިއްސާރަ ކުރާނެ ކަމަށާއި ހާއްސަކޮށް މެދުރާއްޖެތެރެއާއި ދެކުނުގެ އަތޮޅުތަކަށް ވިއްސާރަކޮށް ގުގުރާނެ ކަމަށް މޫސުމާ ބެހޭ ގައުމީ އިދާރާ އިން ބުނެފި އެވެ.
ވީ ކިހިނެއް؟ - ޑިޓުއާ ތޫފާނާ ބެހޭ ފަހުގެ މައުލޫމާތު ހިއްސާކޮށް މެޓުން މިއަދު ބުނީ، ތޫފާން ދަތުރުކުރަމުން ދަނީ ރާއްޖެއާ ދުރަށް ކަމަށާއި ތޫފާން މިހާރު ހުރީ ހއ. ތުރާކުނުގެ އިރުއުތުރުން 875 ކިލޯމީޓަރު ދުރުގައި ކަމަށެވެ.
ތަފްސީލް - ސްރީ ލަންކާގެ އުތުރު އައްސޭރިފަށާއި ބޭ އޮފް ބެންގަލްގެ ހުޅަނދު ދެކުނު ސަރަހައްދުގައި ތޫފާން މިހާރު އޮތް އިރު ތޫފާން ދަތުރުކުރާނެ ކަމަށް ލަފާކޮށްފައިވަނީ ހުޅަނގު އުތުރަށް ރާއްޖެއާ ދުރަށެވެ.
މާދަމާގެ ހެނދުނުގެ ވަގުތެއްގައި މި ތޫފާން އިންޑިއާގެ ޓެމިލްނާޑޫ، ޕޫޑުޗެރީ އަދި އަންދުރަ ޕްރަދޭޝްގެ ދެކުނު އައްސޭރިފަށަށް ޖެހޭނެ ކަމަށް ލަފާކުރެވޭ
މެޓުން ވަނީ ގުގުރުމާ އެކު ބޯކޮށް ވާރޭވެހޭނެ ކަމަށް ލަފާކޮށް ކ. އަތޮޅުން ފެށިގެން ދ. އަތޮޅާ ހަމައަށް ވައިޓް އެލާޓު ނެރެފަ އެވެ. މި ސަރަހައްދުގެ އަތޮޅުތަކަށް ވިލާގަނޑުގައި 40 މޭލަށް ވައިގަދަވާނެ ކަމަށް ވެސް މެޓުން ލަފާކުރެ އެވެ.
ގުޅުން ހުރި - ތޫފާން ޑިޓުއާގެ ސަބަބުން އަވައްޓެރި ސްރީ ލަންކާގައި ފެންބޮޑުވެ 60 އަށް ވުރެ ގިނަ މީހުން ވަނީ މަރުވެފަ އެވެ. އަދި ބިންގަނޑު ކަނޑައިގެން ދިއުމުގެ ހާދިސާތަކުގައި 34 މީހަކު ގެއްލިފައިވާއިރު، އެތައް ލައްކަ ބަޔަކަށް ވަނީ ވިއްސާރައިގެ ސަބަބުން އަސަރުކޮށްފަ އެވެ.
ތޫފާން ޑިޓުއާ: ވިއްސާރައިގެ އަސަރު ކުރިއަށް އޮތް 24 ގަޑިއިރު ވެސް ކުރާނެ
އަރުޝީފަށް ނެގީ
އެންމެފަހުން އަޕްޑޭޓްކުރީ
އެންމެފަހުން އަޕްޑޭޓްކުރީ