ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިއަދު ދުބާއީއަށް ވަޑައިގެންފި އެވެ.
ނަޝީދު މިއަދު ދުބާއީއަށް ވަޑައިގަތުމުން މަރުހަބާ ދެންނެވީ ދުބާއީ އެކްސްޕޯގެ ރާއްޖޭގެ ކޮންޓިންޖެންޓުގެ އިސްވެރިޔާއެވެ.
The Commissioner General of the Maldives contingent at Expo 2020 Dubai welcomed the Speaker of Peoples Majlis to Dubai—H.E. Mohamed Nasheed will participate as a speaker in the World Majlis to be held on 7th October as part of the #Expo2020Dubai programmes.@MohamedNasheed pic.twitter.com/GrUKldExPM
— Maldives.Expo2020 (@Expo2020Mv) October 6, 2021
ދުބާއީ އަށް ނަޝީދު ކުރައްވާ ދަތުރުފުޅުގައި އެގައުމުގައި މިހާރު ކުރިއަށްދާ ވޯލްޑް އެކްސްޕޯގައި ބައިވެރިވެވަޑައިގަންނަވާ ގޮތަށް ވަނީ ހަމަޖެހިފަ އެވެ. އެގޮތުން އެ އެކްސްޕޯގެ ތެރެއިން މާދަމާ އޮންނަ "ވޯލްޑް މަޖިލިސް" ގައި ނަޝީދު ބައިވެރިވެވަޑައިގަންނަވާނެއެވެ.
މިދިޔަ މެއި ހަ ވަނަ ދުވަހުގެރޭ ނަޝީދު އަވަހާރަކޮށްލަން ދިން ބޮމުގެ ހަމަލާއާ ގުޅިގެން އިތުރު ފަރުވާ އަށް މިހާތަނަށް އެމަނިކުފާނު ހުންނެވީ އިނގިރޭސިވިލާތުގައެވެ. ނަޝީދު އެނބުރި ރާއްޖެ ވަޑައިގަންނަވާނެ ދުވަހެއް ހާމަކުރައްވާފައި ނުވާއިރު ރާއްޖެއިން ބޭރުގައި މުއްދަތެއް ނެތް ގޮތަށް ހުންނެވޭ ގޮތަށް މަޖިލީހުގެ އިދާރާ އިން ވަނީ ނަޝީދަށް ޗުއްޓީ ދެއްވާފައެވެ.